"محدش له عندي حاجة"| شيماء سيف تريند بسبب حديثها عن السمنة.. ما القصة؟

كتب- عبد الفتاح العجمي:

تصدرت الفنانة شيماء سيف، تريند محرك البحث جوجل، خلال الساعات الأخيرة الماضية، بسبب تداول مقطع فيديو لها تتحدث خلاله عن السمنة والوزن الزائد وهل يقلل ذلك من أنوثة المرأة أم لا.

"شيماء" قالت في حوارها ببرنامج "مراحل" عبر قناة SBC، منتصف أبريل الماضي، "الحديث عن فقدان المرأة لأنوثتها بسبب الوزن الزائد ده تنمر، وأكبر حاجة غلط في الدنيا، لازم نتقبل كل الناس، أنا عارفة أنه الصح إني أبقى أرفع، وممكن أعمل عملية، لكن في ناس تانية ممكن يكون عندهم مشكلة ومش قادرين يعملوا عملية، وعملوا دايت ومش قادرين".

اقرأ أيضا| بكاء طفل بعد رؤية محمد رمضان.. كيف كان رد فعل الفنان؟ (فيديو)

أضافت: "مش من حق حد أنه يحكم على حد، سيبوا الناس تعيش، ما دام أنا مرمتش دهوني على حد، أنا تعرضت للتنمر وأنا صغيرة كتير، وكنت بضرب العيال اللي بيتنمروا عليا، ولما كبرت الموضوع قلب معايا كوميدي، وبقى عندي ثقة في نفسي".

تابعت: "أنا فعلا مش بشوف نفسي تخينة، مرايات بيتنا تقريبا بتضحك عليا، أنا بشوف نفسي واحدة تانية أقسم بالله، وما دام أنا قادرة أروح وأجي وألبس اللي أنا عايزاه يبقى خلاص مش شايفة إن في حاجة مأثرة عليا في حياتي".

اقرأ أيضا| فيديو "تيك توك".. دينا الشربيني تغني "نار" لحكيم بطريقة كوميدية

استكملت: "مفكرتش أعمل عملية، أنا أصلا بخاف من الدكاترة والعمليات عموما، أنا لو أسناني وجعاني بروح للدكتور في آخر مرحلة، وأنا والله أختي رفيعة وبتاكل أكتر مني، بس أنا بحب الشوكولاتة وباكل في أوقات غلط، ومش بدي مبررات، أيا كان وما دام أنا مبسوطة بنفسي ومش بقول لحد يجي يشيلني يبقى محدش له عندي حاجة".

ومن جانب آخر، تنتظر الفنانة شيماء سيف، طرح فيلم "مطرح مطروح" مع النجوم محمود حميدة، كريم عفيفي، وليلى أحمد زاهر وغيرهم، من تأليف محمد عز ، وإخراج وائل إحسان.