دينا الشربيني: "مليش في السياسة وأؤمن بالحب من أول نظرة"

كتب- هاني صابر:

تحدثت الفنانة دينا الشربيني، عن قصتها مع الحب من أول نظرة، ومدى علاقتها بالسياسة.

وقالت دينا، ببرنامج "ABTALKS" الذي يقدمه الإعلامي أنس بوخش: "مليش في السياسة ولا بفهم فيها، ومبعرفش أقعد أتكلم عن حد وأنم عليه".

وتابعت: "أنا مندفعة، وبمشي ورا إحساسي وأكيد عايزة أغير حاجات فيا وكلنا عايزين نبقى أحسن بس حاسة إن لو فيه حاجات فيا اتغيرت هبقى أوحش مما أنا عليه دلوقتي، وأنا مبحبش الندم، وأغلب الأوقات بخيب ظن نفسي في نفسي".

وأضافت: "أؤمن بالحب من أول نظرة وأنا حبيبة أوي، وأنا عارفة إني من جوا شخص ضعيف، لما بقعد مع نفسي قلبي خفيف أوي، وبتأثر بسرعة وبحب بسرعة، وعشان بكره الضعف فباجي على نفسي".

يذكر أن، أخر أعمال دينا الشربيني التلفزيونية مسلسل "المشوار"، الذي عُرض على قناة"Dmc" ، رمضان 2022، ، وعبر منصتي شاهد وواتش ات، وهو من إنتاج شركة "ميديا هب - سعدي جوهر"، بمشاركة الشركة المتحدة للخدمات الإعلامية، وبطولة النجوم: محمد رمضان، دينا الشربيني، أحمد مجدي، أحمد صفوت، أحمد كمال، بيومي فؤاد، سامي مغاوري، محمود الليثي، ندى موسى، سماء إبراهيم، علي صبحي، محمد عبده، ومحمد جمعة وغيرهم، ومن تأليف محمد فريد، وإخراج محمد ياسين.