دينا الشربيني: وفاة هيثم أحمد زكي أسوأ اللحظات في حياتي

كتبت- بهيرة فودة:

تحدثت الفنانة دينا الشربيني عن لحظة تلقي خبر وفاة الفنان الراحل هيثم أحمد زكي، يوم 7 نوفمبر من العام 2019.

وقالت الشربيني، خلال لقائها مع أنس بوخش في برنامج AB Talks عبر موقع "يوتيوب": "أصعب لحظة في حياتي لما واحد صاحبي أوي توفى، توفى في البيت جاله هبوط، ده هيثم زكي الله يرحمه".

أضافت: "كنت أعرفه من زمان، بكره فكرة الموت، مش عايزاها أصلًا تيجي في دماغي، ولكن الموت بيجي في ثانية، هيثم كنا كلنا بنحبه جدًا بس يمكن هو مكنش عارف إحنا قد إيه بنحبه، ساعات ببقى عايز بس الوقت يرجع أقوله أنا بحبك، وبعدين يمشي لو عايز".

وتابعت: "المتوفي ممكن يكون في حتة أحسن ومرتاح، بس بيوجع اللي حواليه هما اللي عايشين ده، بس هما أكيد مرتاحين، دايمًا بقول لأي حد أعرفه فقد حد عزيز منه، حطوا في دماغكم إن الشخص ده سافر".

وأكملت: "بخاف من الوحدة والموت، الوحدة أكتر إحساس بيخوفني ومش بحبه، مش عايزة لما أكبر أعيش لوحدي، أكيد هيبقى نفسي في حد ياخد باله مني، لما بشوف حد كبير في السن لوحده مبتمناش أبقى كده، ومفيش حد يتمنى يكون كده".

يذكر أن آخر أعمال الفنانة دينا الشربيني مسلسل "المشوار" مع الفنان محمد رمضان، في رمضان الماضي.