"اتقال دول تبع العلم الملون".. أول تعليق من عمر كمال عن "قُبلة" عبد الباسط حمودة

كتب- عبد الفتاح العجمي:

رد المطرب عمر كمال، على الانتقادات التي تعرض لها مؤخرا بسبب مقطع فيديو نشره من الحفل الذي شارك به مع المطرب الشعبي عبد الباسط حمودة، بالساحل الشمالي، ثالث أيام عيد الأضحى المبارك 2022، وظهر به الأول وكأنه يقبل الأخير بعد صعوده المسرح.

وفي مقطع فيديو نشره عبر صفحته الرسمية بموقع "فيسبوك" تحت عنوان "بوسة عبد الباسط وفركشة الخطوبة"؛ قال عمر كمال: "دلوقتي أنا كنت شغال في مكان، وقريب مني النجم عبد الباسط حمودة، سمعت صوته شغال قولت أدخل أسلم عليه، ونغني مع بعض (ضيعنا) ونعمل دعاية لـ(حلوين)، وروحت أسلم عليه وأبوسه، وأنا متعود عشانه في مقام أبويا إني أبوس راسه أو إيده، فجاي أبوس راسه وهو بيرفع راسه فالبوسة راحت جاي في بوقه، حركة عفوية جدا، طلع بسببها كمية كلام جارح على الراجل المحترم وعليّا غير عادية، اتقال دول شواذ وتبع العلم الملون، طيب ليه طيب يا جماعة؟ أكيد أنا مش قصدي أروح أبوسه في بوقه ولا منطقي، كمية شتايم مش حلوة والكلام ده مش صح".

أضاف: "النجم عبد الباسط حمودة أنا أتشرف إني أغني معاه، لما يشوف كومنتات بالشكل ده حاجة مش حلوة، في ناس في الثانوية وعلماء في البلد روحوا اعملوا عنهم أخبار واتكلموا عنهم لأنهم يستاهلوا أن الناس يتكلموا عنهم مش الكلام التاني اللي بيتكتب جدا.. وبعدين أنا بسمع كلامكم جدا، قولتوا بلاش رقصات قولت حاضر، وكليب (حلوين) نزل مفيهوش حتة بنت عدت من قدام الكاميرا، وكمان الواحد من ساعة مشكلة النقابة وسكت تماما ومش بنطق لا بالحلو ولا الوحش، لكن الإساءة للناس دي حاجة متنفعش".

وطرح المطرب عمر كمال، قبل يومين، دويتو غنائي يجمعه مع المطرب عبد الباسط حمودة، بعنوان "حلوين" من كلمات وألحان عمر قطب، وتوزيع إسلام شيبسي، وإخراج كامبا.

وتعد "حلوين" الأغنية الثانية التى تجمع عمر كمال بعبد الباسط حمودة، وذلك بعد نجاح أغنية "ضيعنا"، والتي طرحت عبر موقع الفيديوهات يوتيوب، وحققت نسبة مشاهدة تخطت الـ32 مليون مشاهدة.