أول رد من حسام حبيب على تصريحات شيرين عبدالوهاب (تسجيل صوتي)

كتب- وائل توفيق:

قال الفنان حسام حبيب، إنه قرر اللجوء للإجراءات القانونية للحصول على حقه إثر التصريحات التي أدلت بها زوجته السابقة الفنانة شيرين عبد الوهاب في مداخلة هاتفية لبرنامج "كلمة أخيرة" على شاشة قناة "أون".

ونشر "et بالعربي" تسجيل صوتي لحسام حبيب قال فيه: "أكيد هيكون في إجراء قانوني، عمري ما دافعت عن نفسي وعمري ما تكلمت طبعا كل ده كلام مرسل، الكلام اللي أنا هرد بيه كلام كله بوثائق، مش هقول كلام مرسل، كل حاجة دلوقتي بحضرها، حفاظا عليها وسمعتها، وعلى بيتها، مكنتش بتكلم".

وتابع: "بس أنا دلوقتي هضطر أني اتكلم، لأن الكلام بقى زيادة قوي، أنا كل اللي هعمله مش هطلع أتكلم كلام مرسل، أنا هطلع أتكلم كلام بحقايق وبوثائق، عشان أنا معرفش أقول كلام مرسل، لا أتحاسب عليه ولا افتري على حد، أنا هرد على كل حاجة هي قالتلها بوثائق تثبت إن الكلام ده كله تهديد، أنا بأبتز عشان خاطر اسمع الكلام ولو مسمعتش الكلام هيحصل فيا كده، بتهدد دايما بجمهورها أني هي هتعمل فيا كده، وهي فعلا بتحاول تعمل كده".

وأضاف: "بس أنا إجراءاتي القانونية، وردي في الإعلام هيبقى كله بوثائق وحقايق، علشان كده أنا مش مستعجل أنا بظبط دلوقتي كل حاجة قانونا وبمستندات".

اقرأ أيضا:

"كتفني وسبب حلق شعري".. شيرين تكشف مفاجآت لأول مرة عن أزمتها مع حسام حبيب

"هو اللي حلق شعري".. شيرين تكشف تفاصيل صادمة لأول مرة عن أزمتها مع حسام حبيب

أول تعليق من أسرة حسن أبو السعود على تصريحات شيرين عبدالوهاب

شيرين تكشف دور ياسمين عبدالعزيز ومنة شلبي في أزمتها مع حسام حبيب (فيديو)

وقال حسام حبيب في مداخلته: "أكيد هيبقى في إجراء قانوني .. عمري ما دافعت عن نفسي وعمري ما أتكلمت وده كلام كله مرسل وأنا الكلام اللي هرد بيه إنشاء الله كلام كله موثق ومش هقول كلام مرسل". pic.twitter.com/4jymYunkj0

— ET بالعربي (@ETbilArabi) July 19, 2022