مايان السيد: فكرت في اعتزال التمثيل نهائيا بسبب التعليقات على هذا الفيديو

كتبت- منى الموجي:

كشفت الفنانة الشابة مايان السيد لأول مرة خلال لقائها في برنامج مساء دي إم سي الذي يقدمه المذيع رامي رضوان على قناة DMC، عن تفكيرها في اعتزال التمثيل نهائيا، بعد موقف تعرضت بسببه لمضايقات وتعليقات سلبية على مواقع التواصل الاجتماعي.

وقالت مايان "دخلت السوشيال ميديا في الأول وكنت بنزل حاجات بهزر مع الناس، مكنتش وخداه جد، بهزر معاكم يا جماعة، لقيت التعليقات دايما شديدة أوي، وأنا زي أي حد لو كلمة اتقالتلي وحشة هتزعلني وهتضايقني، لما بتزيد التعليقات أوي بحس اني مش عايزة أكمل في الحاجة اللي بعملها، مش عايزة ابقى شخصية عامة، مش عايزة الناس تتكلم عليا وتضايقني برجع أقول لازم اتعامل مع ده".

وأكدت أنها لم تفكر فقط في اعتزال مواقع التواصل الاجتماعي، ولكن فكرت في اعتزال التمثيل نهائيا "فكرت اعتزل خالص التمثيل، وده بعد فيديو نزلته بهزر مع صحابي واحنا مسافرين، وبقول مايان مايونة أميرة قمورة، كان فيه ناس بتهزر ومتضايقتش منهم وناس بتتريق ودي حاجة عدتها، بس كان فيه ناس بتشتمني وده خلاني أزعل أوي، وتعبني أوي أوي".

وأشارت مايان إلى أنها اتصلت بصديق مقرب منها يدعى ماركو وهو دائما ما يدعمها، وتحدثت معه عن رغبتها في الاعتزال، وكان رده أنها تقوم بعمل تحبه ويجعلها سعيدة، وأن عليها الاستمرار فيما تحب ولا تجعل شيء يضايقها وكذلك لا تهتم بقراءة ما يُكتب من تعليقات سلبية.

جدير بالذكر أن آخر أعمال مايان السيد كان مشاركتها بدور صغير في مسلسل "الاختيار 3"، سيناريو وحوار هاني سرحان، إخراج بيتر ميمي، بطولة كريم عبدالعزيز، أحمد السقا، ياسر جلال، ومجموعة كبيرة من نجوم الفن.

View this post on Instagram

A post shared by dmc TV (@dmctv.eg)