أمينة تتذكر والديها وشقيقتها الكبرى في يوم عرفة: "يا رب تكونوا بتحسوا بينا"

كتب- هاني صابر:

استعادت المطربة أمينة، ذكرياتها مع والديها وشقيقتها الكبرى التي كانت تعتبرها والدتها الثانية، موجهة لهم الدعاء تزامنا مع يوم عرفة.

ونشرت أمينة، صورة لوالديها وشقيقتها الكبرى الراحلين، عبر حسابها على إنستجرام، وعلقت: "أختي النهاردة بقالها ٣ سنين متوفية كإنهم تلات أيام مش هتكلم كتير بس هقولكم يا رب تكونوا فعلًا بتحسوا بينا وبكل اللي في قلبنا ليكم كل أما بكبر بحس اني محتاجة لكم أكتر بحس ساعات اني بجد عيلة صغيرة مهما كبرت وكبرت مسؤولياتي بالذات".

وتابعت: "كأم.. بسأل نفسي انتوا ربتونا إزاي؟.. إزاي ست لا حول لها ولا قوة إلا من عند ربنا تتولى مسؤولية زي دي وأب كمان بيشقى ويتعب ويشتغل بدل الشغلانة اتنين وتلاتة عشان يعيشنا كويس".

وأضافت: "الله يرحمك يا أبويا ويرحمك يا أمي أما أمي التانية وأختي وكل حاجة فالكلام عنك مش هيخلص.. الله يرحمك يا حبيبتي، الله يرحمكم ويجعلكم النهاردة من رحالة عرفة يا رب.. انت اللي عالم بالقلوب يا رب، بابا ٥/٢/٢٠٠٣

ماما ٢٦/٤/٢٠٠٦ ، أختى ٧/٧/٢٠١٩ .. أرجو الدعاء ليهم ولكل أمواتنا الغاليين الله يرحمكم".

يذكر أن أمينة، طرحت في مارس الماضي، أغنيتها الجديدة التي تحمل اسم "النفسية تعبانة" عبر قناتها الرسمية على موقع "يوتيوب".

الأغنية هي إحدى أغاني ألبومها الجديد "تجار السعادة"، وهي من كلمات وليد رياض، وألحان خالد سلطان، وتوزيع طه الحكيم.

View this post on Instagram

A post shared by Amina (@aminasingereg)