لماذا رفض حازم إيهاب إجهاض ابنه رغم فتوى الأزهر له بجواز ذلك؟

كتب- عبد الفتاح العجمي:

كشف الفنان حازم إيهاب، تفاصيل ولادة ابنه "يونس" بعيب خلقي في القلب، قبل أن يرحل عن عالمنا في أول مارس الماضي بعد ولادته بـ13 يوما.

وقال إيهاب، في لقاء له ببرنامج "رمادي" عبر "فيسبوك": "ابني كان متقدر له أو مكتوب له إنه هيجي يقعد معانا 13 يوم مكنتش بنام فيهم، وهيروح للي خلقه تاني، يعني ضمن الجنة كده من غير أي حاجة".

أضاف: "إحنا عرفنا المشكلة و(منة) حامل، في حد في أمريكا قالي إحنا عندنا هنا بنزله على طول، كانت في الشهر الخامس، يعني إحنا أول ما عرفنا إن هو ولد، عرفنا إن في غرفة من غرف القلب عنده مكنتش شغالة، فممكن نستنى شوية وقت وتشتغل".

تابع: "الأزهر أفتى لي إن إحنا ننزله، بس أنا مكنش عندي المنطق ده، لأ أنا اللي ربنا كاتبه لابني هيشوفه، أكيد ربنا مش هيبقى عايزه يتعذب، بس أنا مكنتش هعرف أسامح نفسي، ممكن بعد ما أنزله أرجع أطارد نفسي بعدها بكام شهر، أقول طيب أفرض كنت سيبته يكمل مش جايز كان ربنا حط فيه معجزة، وكانت هتفرق بيني وبين ربنا كتير أوي، يعني كانت هتحسسني إني مبقتش واثق فيه".

ورُزق الفنان حازم إيهاب بمولوده الأول "يونس"، في 18 فبراير الماضي، ولكنه ولد بعيب خلقي في القلب وأجرى عملية جراحية في قلبه وهو عمره ساعات، قبل أن يرحل عن عالمنا في 2 مارس 2022.

واحتفل الفنان الشاب حازم إيهاب بعقد قرانه وزفافه على منة داغر بأحد الفنادق بالقاهرة، في 25 ديسمبر 2020.