أسما شريف منير: "عمري ما هتخلى عن الجواز والحب عشان ده حلال ربنا" (فيديو)

كتب- وائل توفيق:

أكدت "أسما" ابنة الفنان شريف منير، أنها لن تتخلى عن فكرة الحب والجواز أبدًا، وذلك أثناء استضافتها في برنامج "عرب وود".

وقالت أسما: "ادعولي والنبي، عمري ما هتخلى عن فكرة الحب والجواز، علشان ده حلال ربنا، وعشان ده الصح، وعشان ده من حقي والمفروض يحصل".

وعلّقت أسما شريف منير على أنباء خلافاتها مع والدها الفنان شريف منير، وقالت: "الناس كبرت الموضوع جدًا، مفيش حاجة خالص يعني عادي، عادي جدا، أبويا وسندي وضهري، وكبيري وهيفضل كبيري طول عمري، وربنا يخلهولي يا رب".

وكان الفنان شريف منير قام بإلغاء متابعة ابنته وقيامها بنفس الأمر، وعقب ذلك نشر صورة تجمعهما عبر حسابه الرسمي بموقع إنستجرام، وعلّق عليها قائلا: "أنا مش عارف ليه فيه ناس حاشرين نفسهم بيني وبينك، مايعرفوش إنك قاعدة جوه قلبي".

بينما ردت "أسما" عبر حسابها بموقع إنستجرام قائلة: "لآخر يوم في عمري، كبيري وأبويا وصاحبي وحبيبي".