"حسبي الله ونعم الوكيل في اللي بيعملوا أعمال.. "فنانة تهاجم أحد متابعيها

كتب- وائل توفيق:

شاركت الفنانة سوار النجار جمهورها ومتابعيها مقطع فيديو "تيك توك"، عبر صفحتها الخاصة بموقع تبادل الصور "انستجرام"، وعلقت: "للنفوس المريضة اتهدوا".

وقالت "النجار" في مقطع الفيديو: "يا جماعة أنا عايزة أقولكم على حاجة، بدري أنا لقيت حد عامل كومنت على التيك توك عندي، بيقولي إنتوا يا بختكوا، سفر وفلوس وفسح، ومبسوطين في حياتكم،وصحة، ماشي احسدونا على السفر، واحسدونا على كل حاجة، بس ليه الصحة؟".

وتابعت: "ليه الصحة، إنت ياللي بتحسد كده وبتحقد على حتى الصحة بتاعة ربنا، إنت عارف الإنسان ده جواه إيه؟، هل هو صحته كويسة ولا وحشة؟، أنا أوريك حاجة، إنت عارف أنا لابسة النضارة ليه؟، لإن أنا عيني بايظة، بايظة بجد، من غير أي حاجة، سيبك من عيني، مش أنا بس في ناس تلاقي عندها ظروف، وعندها أمور، وعندها مسئوليات وعندها تعب في حياتها، يا جماعة الغل مش كده، يا جماعة يا مغلولين إنتوا، بتغلوا على إيه؟".

واستكملت "النجار": "يعني إحنا كل واحد فيه اللي مكفيه، يعني أقولكم إيه؟، عشان إيه، بحر؟، بحر بتاع ربنا اللي أي بني آدم في العالم بيروحه، تخش تقولي صحة وفلوس وفسح، طب عموما إحنا مدهولين، الحمد لله رب العالمين، وعيني بايظة وخمسة وخميسة، في عينك أو في عِينك، ياللي مبتصليش على النبي، ومبتعرفش تقول بسم الله ما شاء الله، وبس كده، حسبي الله ونعم الوكيل في أي حد يأذي، أو أي حد يعمل أعمال عشان يفرق بين زوجين، وعشان يمرض، وعشان يتعب وعشان يقتل، عشان يعني إحنا معروفين، وإحنا عارفينكوا كويس قوي، وعارفين إنتوا بتعملوا إيه، بس كله مبيتعملش غير بإذن الله، وحسبي الله ونعم الوكيل فيكم".

يذكر أن سوار النجار هي شقيقة الفنانة إيناس النجار، بدأت مشوارها الغنائي مع كورال الأطفال في نادي "الأصيل" بتونس، وقدمت ألبومها الغنائي الأول "ملامة فيك".

View this post on Instagram

A post shared by Sewar El Nagar Official (@sewar_elnagar)