تامر شلتوت: جمع 80 مليون جنيه لعلاج "علياء وفريدة".. بشكر كل واحد اتبرع

كتب- وائل توفيق:

نشر الفنان تامر شلتوت صورة جمعته بالطفلتين علياء وفريدة، احتفاًء بجمع 80 مليون جنيه لعلاجهن من ضمور العضلات الشوكي.

وكتب شلتوت، عبر حسابه بموقع "إنستجرام": "الحمد لله والشكر لله، بفضل حضراتكم تم تجميع ٨٠ مليون جنيه لعلاج علياء وفريدة، بشكر كل واحد اتبرع، بشكر كل واحد حس بوجع أب وأم على بناتهم".

وتابع: "اللي حصل ده أكبر دليل علي الخير اللي جوانا والرحمة اللي بينا، علياء وفريدة ماكانوش محتاجنا، ربك كان كاتبلهم إنهم هيتعالجوا، إحنا لازم نشكر ونحمد المولي عز وجل إنه جعلنا سبب ليهم واستخدمنا في الخير".

واختتم: "أنا فرحتي بعلياء وفريدة كبيرة، حاسس إني نجحت كإنسان استخدم أقل حاجة في إيده وكان يقينه بالله كبير إنه هيتوفق، بشكر كل واحد ساعد، بشكر كل واحد بيحس بغيره، ويا رب ارحمنا وتقبل منا".

يذكر أن الفنان تامر شلتوت، كان قد أعلن يوم 27 يناير الماضي عن وفاة والده الدكتور محمد شلتوت.

View this post on Instagram

A post shared by Tamer Shaltout - تامر شلتوت (@tamershaltout)