أحمد صلاح حسني: "الست لو بترضع ابنها عشان تاخد أجر ده تهريج طبعا"

كتب- وائل توفيق:

قال الفنان أحمد صلاح حسني، إنه يرى أن المرأة غير ملزمة بخدمة أولادها وزوجها، وذلك أثناء استضافته في برنامج "البخت" على فضائية "الشمس".

وقال: "وجهة نظري إن الفن رسالة، وعلى حسب الفن اللي بتقدمه، وبعدين هو انعكاس للحقيقة وبعدين أنا مش بمثل دور واحد جاي من الفضاء، هتلاقي في مثل أعلي في الحياة، خال أو والد، الراجل المثالي ده موجود في كل بيت، الاختلاف إن الراجل مبيبصش لنفسه قبل ما يبص للي قدامه، ممكن كراجل تبقى مقصر في بيتك لأنك مش حابب نفسك".

وأضاف حسني: "الراجل اللي هيحب ست هيعمل أي حاجة عشان تبقى معاه، الحب بالنسبالي هو الاحترام".

وعن تريند المرأة غير ملزمة بخدمة أولادها وزوجها، قال: "الرضاعة ما اعتقدش إن في أم مش عايزة ترضع ابنها، بس لو مراتي عايزه فلوس عشان ترضع ابني أو ابنتي هديها، ولو على الطبخ بتكلم عن نفسي مش ملزمة".

وتابع: "ولكن لو هي الست بتحب جوزها هتعمل حاجات كتيرة قوي، ولو بتحب جوزها بيتها وجوزها هتعمل كل حاجة بدون مقابل، يعني الكلام ده ممكن نشوف في العالم الغربي شوية، الست اللي هي راس براس، وبشتغل زيه ومبتطبخش ومبتعملش فطار، لكن الست المصرية مش قادر أشوفها بشكل تاني، وبأجر دي تهريج طبعا، متخيلة تاخدي أجر عشان ترضعي ابنك؟".

يذكر أن الفنان أحمد صلاح حسني شارك في مسلسل "الدايرة" 2021.

"الدايرة" بطولة أحمد صلاح حسني، إيمان العاصي، إيناس كامل، مي القاضي، محمد علاء، إسلام جمال، محمد علي رزق، أحمد جمال سعيد، سامية الطرابلسي، مها أبو عوف، محمود حافظ، أماني كمال وعماد رشاد.