عفاف شعيب: رضوى الشربيني بتقوّم الست على الراجل.. وفي خراب بيوت (فيديو)

كتب- عبد الفتاح العجمي:

كشفت الفنانة عفاف شعيب، عن رأيها في الإعلامية رضوى الشربيني، لافتة إلى أنها لا تحب متابعتها.

وقالت شعيب، خلال حوار لها ببرنامج "البخت" عبر قناة "الشمس": "مبحبش كلام رضوى الشربيني، وأنا الكلام اللي مبيعجبنيش مش بتابعه، بتقوّم الست على الراجل، وتقوّم الراجل على الست، مينفعش الكلام ده، عاملة فتنة بين الرجالة والستات وفي خراب بيوت".

تابعت مخاطبة رضوى الشربيني: "البيت بيتخرب بسبب الكلام اللي مالوش لازمة، ومش كل واحدة مرت بأزمة في حياتها هتطبق تجربتها على بقية الناس، أنت شوفتي مشكلة يمكن ربنا اختصك بيها عشان تصبري وتحتسبي، يمكن ربنا عايزك تقربي منه مش تبعدي بإنك تفرقي بين زوج وزوجة".

استكملت: "هي جميلة أوي على فكرة، بيعجبني وشها وأناقتها وجمالها، لكن كلامها مبيعجبنيش وكل واحد حر، وأنصحها إنها تقرأ كتاب ربنا القرآن الكريم وأحاديث الرسول وفقه المرأة وتعمقي وادرسي كويس هتفهمي حاجات كتير، بلاش نتعدى حدودنا والمرأة مرأة والرجل رجل، وأنا مع حق ربنا وما تعلمناه من أهالينا".

الفنانة الكبيرة عفاف شعيب تعتبر من أشهر الفنانات، قدمت خلال مسيرتها الفنية أعمالا خالدة من بينها: "العار"، "الشهد والدموع"، "ضد الحكومة"، "المعتوه"، "القضية المشهورة" وغيرها.

يذكر أن آخر أعمال الفنانة عفاف شعيب حكاية "واحد في الميه" من مسلسل "زي القمر"، مع صابرين ومدحت صالح، من تأليف فداء الشندويلي وإخراج أحمد شفيق.

View this post on Instagram

A post shared by Al Shams TV (@alshamseg)