المعلم سردينة وياسر جلال .. كيف تفاعل النجوم مع ارتفاع الأسعار والدولار؟

كتبت- منال الجيوشي:

علق عدد من نجوم الفن على أزمة ارتفاع سعر الدولار وارتفاع الأسعار، وتفاعلوا عبر حساباتهم الرسمية بمواقع التواصل الاجتماعي معالأمر.

ياسر جلال

تبرع الفنان ياسر جلال بمبلغ ٣ ملايين جنيه لصندوق تحيا مصر، وقال في بيان له: "المرة دي بعلن عن الجهة والمبلغ اللي اتبرعت بيه لأني بتمنى كلنا نشترك ونعمل اللي نقدر عليه وبدعي زملائي النجوم إنهم يتبرعوا باللي يقدروا عليه.. أنا عارف أن في منهم عمل الموضوع قبل كده، بس لو عملوا ده تاني يبقي شيء عظيم"

وتابع: "يعلم ربنا السبب اللي خلاني أعمل كده هو الأزمة اللي بتمر بيها مصر دلوقتي.. أنا راجل لا غاوي شهرة ولا نجومية.. أنا بشتغلو بخلص شغلي وبروح أقعد مع مراتي وأولادي وبعمل ده لأن كلنا شايفين البلد بيمر بأزمة كبيرة، والعالم كله بيمر بأزمة كبيرة، وإن شاء الله الأزمة تعدي لما كلنا نقف جنب بعض"، وحرص على إنهاء حديثه بالدعاء لمصر"

عبدالرحمن أبو زهرة

الفنان الكبير عبدالرحمن أبو زهرة، نشر صورة لشخصية المعلم إبراهيم سردينة والتي جسدها ضمن أحداث المسلسل الشهير "لن أعيشفي جلباب أبي".

وكتب أبو زهرة عبر حسابه الرسمي بموقع فيسبوك: "طول ما الثلاجة محتاجة اشتغل أي حاجة".

كما أضاف: "المعلم سردينة تعليقاً على سعر الدولار ، ربنا يغنيكم بالحلال يا ولاد"

راندا البحيري

الفنانة راندا البحيري تفاعلت عبر حسابها الرسمي بموقع تويتر مع أزمة غلاء الأسعار، وكتبت عبر حسابها الرسمي بموقع تويتر: "الشكر للنجم المحترم الخلوق ياسر جلال اللي وقف جنب بلده في وقت البلد كلها محتاجة إنها تتكاتف"

وتابعت: "وبإذن الله تكون قدوة لفنانين كتير وأنا أولهم ونعمل واجبنا ونحط اللي نقدر عليه في الصندوق، أنا كمان هعمل كده شكرًا ياسرجلال.. طول عمرك مخلص ووطني ومحترم وابن أصول".

عفاف مصطفى

الفنانة عفاف مصطفى كتبت عبر حسابها الرسمي بموقع فيسبوك: "ظروف صعبة بسبب الأسعار فواجب على كل مقتدر إعالة أسرة فقيرةأو أكتر بشهرية قدر المستطاع".

وتابعت عفاف: "واللي هيقولي اعملي إنتي الأول، أنا ربنا وحده شاهد بعمل إيه ومن قبل كده".