"أهلي توقعوا الطلاق".. إلهام عبدالبديع تكشف عن فرق السن بينها وبين زوجها

القاهرة- مصراوي:

حلت الفنانة إلهام عبدالبديع ضيفة على برنامج "نص الكلام" الذي تقدمها الإعلامية راغدة شلهوب على قناة النهار، وكشفت عن فرق العمر بينها وبين زوجها الملحن وليد سامي.

وقالت إلهام "فرق السن 8 سنوات، كانت خطوة مرعبة، مكنتش حاسة بالفرق ومكنتش أعرف، صُدمت لفترة وقلت يمكن عشان كده كنا بنتخانق كتير، وبدأت أفكر اني لما كنت أصغر 8 سنوات كنت زيه، عايزة اعمل كل حاجة ومجنونة، بحاول أفكر بسنه عشان أقدر أفهمه، بحاول ميكونش فيه غيرة ويبقى عنده صحابه وحياته، وانا بحترمه جدا وهو كمان".

وتابعت "ناس كتير قالوا إن ده حاجة كارثية ومش بتنجح"، موضحة أن موقف أهله في البداية يتلخص في وجود علامة استفهام: "شكلي ميبانش اني أكبر وكل الناس تفكرني في بداية العشرينيات، كانوا قلقانين شوية، ومعظم أهلي كانوا معترضين، خايفين من التجربة لأننا في الخطوبة متفقناش ومتوقعين الطلاق بنسبة 90%".

وأضافت "شفت فيه مميزات أكتر من العيوب، واكثر حاجة خلتني ماسمعش كلام ناس كتير قوي، إني مش بحب أكون لوحدي، وإني عايزة أكمل حياتي، أنا عشت قمة النجاح في العشرينات مسلسلات وأفلام، كنت بطلع إمام أخت البطل أو بنت البطلة، لو فضلت مكملة كده حلو بس السوق بيختلف وأنا بكبر، فيه مرحلة لو عديتها هيبقى الوضع صعب، أنا عايزة يكون عندي حياة وأولاد"، مؤكدة أن خطوة الإنجاب ليست قريبة ومؤجلة لفترة حتى تستقر حياتهما.

من بين الأعمال التي شاركت فيها إلهام عبدالبديع: فيلم "كازانوفا"، مسلسل "أهو ده اللي صار"، مسلسل "فلانتينو"، مسلسل "طاقة القدر"، مسلسل "سلسال الدم".

اقرأ أيضا:

"بيتحرشوا بعجوزة عندها 75 سنة".. وفاء سالم تثير الجدل بفيديو جديد

سمية الخشاب بالكمامة في أحدث ظهور

نسرين طافش تخطف الأنظار في أحدث ظهور والجمهور:"دخيل هالطول" (صور)