لقاء الخميسي: "يا جماعة نبطل نهين بعض إحنا بنيجي على نفسنا عشان نبسطكم"

كتبت- بهيرة فودة:

طالبت الفنانة لقاء الخميسي من جمهورها ومتابعيها باحترام آرائها وأفكارها، وأن أي فنان لديه مشاكل أيضا مثل باقي البشر.

وقالت لقاء الخميسي في فيديو "لايف" على خاصية "القصص القصيرة"، عبر حسابها بموقع "إنستجرام": "رجاء من كل الناس اللي بتتابع السوشيال ميديا اللي بيحب حد يدخل عنده ويقوله كلمتين حلوين أو يصمت مبتحبش متقولش ممكن نختلف في الآراء، لكن لازم نتعلم إزاي نحترم الاختلاف".

وأضافت: "ياريت نبطل نهين بعض، ونرفض أفكار بعض كل واحد زي ما تربي، وكل واحد وثقافته وكل شخص ليه تفاصيله ومعتقداته وأفكاره وثقافته، فلازم نحترم بعض على قد ما نقدر، ولا يصح أن أهاجم حضرتك، دي حاجة بقت تزهق بصراحة".

وتابعت: "الممثل عنده نفس التفاصيل اللي بتمر بيها، أزمات نفسية ومادية وعائلية ومشاكل ومنحبش نوريكوا مشاكلنا، احنا موجودين في الدنيا علشان خاطر نبسطكم ونفرحكم ونقدملكم محتوى يغير مودكم".

وأكملت: "إحنا بنيجي على نفسنا علشان نبسطكم، وبنحب شغلتنا وبنحبكم، فرجاءً حبونا شوية وأدونا هوا، وشوفونا بني آدمين طبيعين، عندنا مشاكل وصدقوني مفيش حد في العالم معندوش مشاكل، كل واحد ربنا بيديله على قد قدراته، الرحمة حلوة ياجماعة".

ومن ناحية أخرى شاركت لقاء الخميسي في حكاية "حتة من القمر" بطولة: عايدة رياض، محمد العمروسي، جيلان علاء، ومن تأليف ميرنا الفقي، وإخراج محمد عبدالرحمن حماقي.

كما شاركت لقاء في مسلسل "إجازة مفتوحة"، بطولة شريف منير، سميحة أيوب، دنيا ماهر، مراد مكرم، هشام إسماعيل، تأليف أحمد محمود أبو زيد، إخراج محمد عبد الرحمن حماقي.

أقرأ أيضا:

أول تعليق من ريهام سعيد على الحكم في قضيتها مع حسن شاكوش

"جدي صيني وأسلم على يده الكثير".. أبرز تصريحات خالد محمود في "كلام الناس"