مي فاروق تطلب الدعاء لوالدها: "مش قادرة أعمله حاجة غير إني أكون تحت رجليه"

كتبت – منال الجيوشي:

طالبت الفنانة مي فاروق جمهورها الدعاء لوالدها، الذي يعاني من أزمة صحية استلزمت نقله المستشفى منذ أيام.

وكتبت مي عبر حسابها الرسمي بموقع إنستجرام: "ده أبويا اللي لولاه عمري ما كنت هبقي أي حاجة، ده اللي ورثت منه كل حاجة حتى حلاوة صوته ده اللي بدعواته مكمله في حياتي".

وتابعت: "دلوقتي ده ابني اللي أنا مسؤولة عنه شايفاه في أزمة مش قادرة أعمل له حاجة غير إني أكون تحت رجليه، هو في حالة صعبة وأنا واثقة في رحمة ربنا وفي حب ربنا ليه وواثقة إن ربنا مش هيضرني فيه أبدا".

وأضافت: "بس أرجوكم ادعوا له نفسي أشوفه تاني مفتح عينيه وبينادي عليا وبيغنيلي ويضحك في وشي، أرجوكم ادعوا له لو بتحبوني".

وكانت مي فاروق قد اعتذرت أمس عن حفلها الغنائي بالإمارات العربية المتحدة، والذي كان من المقرر إقامته مساء غد الجمعة 20 يناير على مسرح المجاز.

View this post on Instagram

A post shared by Mai Farouk (@maifarouk)