المطربة هدى :"لغيت دروس بنتي علشان مكنش معايا فلوس"- فيديو

كتبت- بهيرة فودة:

قالت المطربة هدى إنها تعرضت لأزمات مادية لفترات كثيرة خلال حياتها، مشيرة إلى أنها أحيانًا تضطر أن تلغي دروس ابنتها في بعض الأحيان.

وقالت "هدى" خلال حوارها في برنامج "كلام الناس"، والذي يعرض عبر قناة "mbc"، اليوم الجمعة،:""أنا زي الناس أحيانًا بيبقى عندي ظروف صعبة، عندي حياة ومسؤوليات وبنتي، وعندي مصاريف دروس ومدرسة".

وتابعت: "أحيانا بكون بين نارين هتدفعي مصاريف المدرسة ولا هتعملي أغنية، أكيد هدفع المصاريف، مفيش اختيارات، فبالتالي بتأخر عن الشغل".

وأكملت :"ساعات بيجي عليا وقت ماعييش فلوس خالص، بيجي عليا أيام ممكن ألغي درس بنتي عشان مش معايا فلوس، عدت عليا أيام مفيش مليم في البيت".

وأردفت:"وماحدش بيصدق غير اللي محطوط في الظروف، لو أنا في حد محتاج حاجة وأنا مش معايا غيرها مش بحوشها، وربك بيفرجها، بتتراضي بتتراضي".