"شعري وقع بعد الطلاق" الفنانة صفوة تكشف أسرارا جديدة عن طلاقها - فيديو

كتبت- بهيرة فودة:

كشفت الفنانة صفوة تفاصيل وأسرارًا جديدة عن طلاقها، مشيرة إلى أنها مرت بـ حالة اكتئاب أدت إلى سقوط شعرها بالكامل، وكشفت أنها وقتها كانت ترتدي"باروكة".

وقالت صفوة خلال لقائها مع الإعلامية مروة صبري، في برنامج "قعدة ستات"،: أنا اتطلقت من جوزي 3 مرات، مرتين لأسباب لا داعي لذكرها، وآخر طلقة دي وصلت إن شعري وقع وكنت أرتدي "بواريك".

وأضافت صفوة:"أنا وصلت لدرجة لن تتخيليها، وفي فيلم "الرغبة" كنت لابسة باروكة وناس كتبوا صفوة مش هشتغل تاني".

وكانت تحدثت الفنانة صفوة إنها اكتشفت أن زوجها الثاني لديه إعاقة جسدية في الصباحية.

وقالت صفوة، خلال لقاء قديم لها في برنامج "الترابيزة"، المعروض على قناة الشمس، :"الشخص دا كان محاسب وراجع من الكويت بقاله 14 سنة، فا في حتة تانية خالص، وبدون ما أفكر اتقدملي وعملي فرح اسطوري وشقة فظيعة، وكل الحاجات فوق الخيال".

وأضافت، :"اتجوزت أخر يوم في العدة، أتجوزته وقعدنا شهر أو شهرين وكان أول مرة في حياتي في حياتي اسافر إسكندرية معاه، وأخدني نايت كلاب وشوفت راقصة لابسة بدلة عجبتني وكنت عايزاها تبقى عندي بس، وبالفعل وأخدت منها البدلة".

وتابعت، :"قعدت بعدها أزن عليه إني أشتغل، كان وقتها عندي 20 سنة وهو كان كبير جدا، وهو كان عنده مشاكل نفسية، "كان بيهيس ساعات"، ومشاكل جسدية أكتر".

وأكملت، :"جوزي كان صورة بس وفوجئت بيه يوم الصباحية وقولت لماما إنه عنده شبه إعاقة، وماما لقتني لسه بنفس التسريحة، وكنت قاعدة مستنياهم، وطلبت منهم الطلاق، وهو بقى حاسس طول الوقت إنه عنده ضعف".

واستطردت، :"كنت بطلب منه نلعب وبضربه زي أفلام "أميتابتشان" من غيظي، وكان ممكن يحصله خربوش، ومن كتر الكبت كنت عايزة أضربه".

واختتمت صفوة حديثها، :" ولما دخلت الفن ما كنتش محتاجة فلوس وكان معايا فلوس كويسة جدا".

يذكر أن آخر أعمال الفنانة صفوة مسلسل "ممنوع الاقتراب أو التصوير"، 2018، بطولة زينة، نسرين أمين، فتحي عبد الوهاب، محمد شاهين، مي القاضي، تأليف محمد الصفتي، إخراج زياد الوشاحي.