وفاء سالم: "النجومية فخ وقررت أعمل قناة تقدم محتوى أسري اجتماعي"

كتبت- مارسيل نظمي:

انتقدت الفنانة المعتزلة وفاء سالم تناول البعض لقرار اعتزالها التي أعلنت عنه مؤخرا

وقالت خلال قناتها على موقع الفيديوهات يوتيوب: أول حلقة في برنامجي قدمتها على استحياء عن اعتزالي، وإذ فوجئت أن المواقع المصرية والعربية وبعض المواقع العالمية تناولت الخبر.. معرفتش أوصل لعدد المواقع".

وأضافت: "في ناس بتدخل جوه ضميرك وتحاكمك وتحاسبك وتصدق نفسها، كل الناس اللي عدت محتواها على حسابي أكيد بيصعبوا عليا لأنهم لو بذلوا شوية مجهود كانوا عملوا محتويات كويسة لأنهم قُدام جداً".

وتابعت: "مسألة النجومية حسمتها من زمان، اكتشفت أنها فخ، أنا مش باحثة عن حاجة أبداً أنا لما لاقيت إني مش عارفة أقدم في التمثيل الخير والحق والجمال قولت أمشي وأعمل قناة أقدم فيها محتوى أسري اجتماعي".

وأضافت: "هل ده معناه راحت عليا النجومية وبعدت عن الأضواء؟ أنا عن نفسي مابحبهاش ولا ده هدفي.. لكن مينفعش تصدقوا حد استقطع من كلامي عشان يعبي محتوى على حسابي".

وكان تصدر اسم الفنانة وفاء سالم تريند محرك البحث "جوجل" ومنصات التواصل الاجتماعى، بعدما أعلنت اعتزالها التمثيل وفتح قناة عبر يوتيوب

وشاركت بطلة النمر الأسود مقطع فيديو مع متابعيها، تتحدث فيه عن اعتزالها الفن، قالت فيه: "قررت أكون وفية، واشيل الحجر من على قلبي، مفيش حد بيكدب وهو سعيد.. بعد تفكير طويل قررت اعتزال الفن، وكنت مترددة فيه زمان".