هاني شنودة: "ويجز رئيس المرحلة والشباب معتقدين إن جيلنا عقولهم مغلقة"

كتب- هاني صابر:

أكد الموسيقار هاني شنودة، استمراره في متابعة أصوات المطربين الجدد مثلما كان يفعل في الماضي، موضحا أنه يستمع لمطرب الراب ويجز، ومطرب المهرجانات حسن شاكوش، وكل المطربين الشباب "بسمع كل حاجة عشان اعرف احنا رايحين فين".

وقال شنودة، ببرنامج "الستات" عبر فضائية "النهار": "كنت عايز ألحن لـ ويجز قبل كدة، ولسه التحدي قائم، لأن ويجز هو رئيس هذه المرحلة، وأنا كنت رافض مرحلة المهرجانات بسبب كلماتها، طول ما هما بيرقصوا الناس معندهاش مشكلة، لكن الكلمات كان فيها ترويج للمخدرات".

وأضاف: "كان عندي موقف من كلمات المهرجانات مش المهرجانات نفسها، والمرحلة دي بتاعت الراب، وكلماتها مناسبة، وويجز تقلان عليا ولم نتواصل لتحضير أي عمل حتى الآن، ومن حقه يتقل، لأن الشباب معتقدين إن الجيل الأقدم عقولهم مغلقة".