علي الحجار: أحمد أخويا قالي الغنا حرام وفضل سنتين ميروحش الجامعة

كتبت- منال الجيوشي:

قال الفنان علي الحجار، إن شقيقه الفنان الراحل أحمد الحجار ظل لعامين لا يذهب للجامعة وعلم الأمر من صديق مشترك بينهم.

وأضاف "الحجار" في حوار مع برنامج "كلمة أخيرة" مع الإعلامية لميس الحديدي: "أحمد قعد سنتين مفهمنا إنه بيروح الجامعة وهو مبيروحش، صديقه قالي لو أحمد سقط السنة دي كمان هيترفد من الكلية".

وتابع: "قلتله ليه هو مبيروحش قال أيوة مابيجيش الكلية، فسألت أحمد قلتله بتغيب ليه قالي أصل اكتشفت غن المزيكا حرام، هو كان دخل طريق من الطرق الدينية وكده وفهموه إن الموسيقى حرام".

واستكمل: "قلت لوالدي، فقعد معاه وقاله إنت بتشوفني أسيب فرض، والدي كان بيصلي ويجود القرآن وبعدها يمسك العود ويغني، وكان محفظنا القرآن وحريص على إننا منسيبش فرض".

وتابع: "والدي قاله إنت شايفني بغضب ربنا وأنا بغني ده أنا بسعد الناس، ده كفاية إنك بتسمع كام كلمة الله وإنت بتغني وعمرهم ماهيسمعوا حاجة وحشة ويقولوا الله

وأشار إلى أن والده أقنعه بالأمر بعدما ضرب له أمثله باستقبال الرسول بالغناء أثناء هجرته للمدينة، وأن الله عز وجل قال في القرآن "إن أنكر الأصوات لصوت الحمير" متابعا: "يبقى ربنا بيحب الاصوات الحلوة".