نيللى لـ"الستات ميعرفوش يكدبوا": فيلم "العذاب إمراة" أكتر أعمالى اللي بحبها وأرشح دنيا سمير غانم لتقديم الفوزاير

كتبت- منال الجيوشي:

وجهت الفنانة القديرة نيللي، الشكر لبرنامج "الستات ميعرفوش يكدبوا" خلال حلقة أمس التي قدمتها الإعلاميات منى عبدالغني وإيمان عز الدين، بعد احتفال البرنامج بعيد ميلاد الفنانة الكبيرة، قائلة: "أنا بشكركم جدا وبحبكم قوي على أنكم افتكرتوني، أنا بشوفوكم كل يوم".

وكشفت الفنانة القديرة نيللي فى مداخلة مع برنامج الستات ميعرفوش يكدبوا، عن أكثر عمل له مكانة كبيرة من أعمالها التي قدمتها خلال مسيرتها، مضيفة: "أنا دايما فاكرة فيلم "العذاب إمراة" لأني أنا وقتها اللي صممت أختار الدور اللي قدمته، وقتها كان في دورين وقررت أختار دور السيدة الشريرة ورفضت تقديم الدور اللي له مساحة أكبر وعملت شخصية الست اللي مش طيبة".

ووجهت الفنانة القديرة نيللي، نصيحة هامة لكل السيدات، قائلة: "بقول لكل الستات لازم نسامح، التسامح بيحقق رضا النفس، والرضا هيخلق السعادة، ودايما منبصش للحاجات الوحشة ونبص للحاجات الحلوة عشان نكون سعداء في حياتنا"، مؤكدة أن الحب يجعل "الست منورة" ويؤثر على حياتها بشكل إيجابي.

وأشادت نيللي بالممثلين والممثلات الشابات، وقالت: "أنا بحب الجديد دايما، لأنه حاجة بتدي أمل في الحياة، وبحب دنيا سمير غانم جدا، وهي تقدر تقدم الفوزاير لأنها موهوبة.

وردا على سؤال ما هو الدور الذي كانت تحلم الفنانة نيللي بتقديمه، قالت: "يا بخت من زار وخفف، والله أنا عملت كل حاجة واستمتعت كثيراً بأدوراي اللي قدمتها، أنا بحب الشخصية الفرعونية وكنت أحب أقدمها عشان رقبتي طويلة زي رقبتها، وأنا بحب نفرتيتي وحاطة صورتها عندي