أحمد آدم: "عادل آدم بيطلب رفع الألقاب.. ومحمد صبحي ديكتاتوري التنفيذ"

كتب- مصراوي:

تحدث الفنان أحمد آدم، عن الزعيم عادل إمام والفنان محمد صبحي خلال مشواره الفني معهما.

وتابع آدم، بببرنامج"حبر سري": "الشغل مع عادل إمام حاجة تانية وهو كان بيحبني قوي ولما عرفته على المستوى الانساني حبني أكتر وأنا من جمهوره".

وأوضح: "عادل إمام مع أصحابه بيشيل كل الحواجز وبيبقى في تواضع وبيطلب رفع الألقاب، وهو بيفيد كل اللي معاه وبيشوف الدائرة اللي حوليه، وهو محترف وفنان وإنسان".

ورد أحمد آدم، على حقيقة ديكتاتورية محمد صبحي في أعماله، قائلا: "محمد صبحي مؤمن بديكتاتورية التنفيذ وديمقراطية الحوار، وهو من أعظم مخرجين الوطن العربي وعمل مسرحيات تفضل شغالة لـ30 و40 سنة وأفكارها عالمية، يتفرج عليها أي حد".

وأضاف: " صبحي بيبقى في دماغه تركيبه وشكل الضحك والموضوع وبيبقى لهم تركيبة صعب تخش تبوظها، وهي مش ديكتاتورية على قد ما هي إن الممثل جزء من الصورة مش الصورة كلها".