حنان مطاوع عن أزمتها الصحية: دخلت في نفق مظلم وقلت هو أنا بموت
حنان مطاوع
كتبت- منى الموجي:
تعرضت الفنانة حنان مطاوع لأزمة صحية الأشهر الماضية، كشفت تفاصيلها خلال لقاءها بالإعلامية منى الشاذلي، في برنامج معكم.
وقالت عنها "العالم بالنسبالي توقف من أربع شهور ونص، الموضوع تضخم خد منحنى تاني، ارتبكت جدا وبدأت أعمل مسح ذري، وكنت بحس بضيق في التنفس وصوتي لما كان بيجيلي اي دور برد ولما صوتي يتشرخ مش بيرجع بيقعد شهور، ورقبتي كانت تخنت بس مفيش حاجة طالعة فيها، اتشال من رقبتي ٤٥٠ جرام".
وتابعت "عملت سونار، اللي عملولي السونار دخلوني في نفق مظلم، قالولي لو انتشر في جسمك كله هيحصل كذا، الموضوع خد ابعاد كبيرة جدا، لما عرفت الخبر مكنتش شايفة حاجة غير أماليا، العالم كله تلخص فيها ومرتبكة جدا، وأمير عمل نفس مشهدي مع هند صبري في حلاوة الدنيا، سابني طلع يكلم كل الدكاترة في عيلتنا، ولون وشه مزرق وعمال يقولي هتبقي كويسة، قلتله خلاص أدائك ده ممكن اطب فيها، ونزلنا العربية قعد يعيط بصوت عالي قلتله هو انا بموت، دخلنا لأقصى نقطة واحنا لسه مروحناش للدكتور، الحمد لله كانت تجربة وحشة قوي وطول الوقت بحمد ربنا بس متمنية أعيش عشان وابقى مع أماليا".
حنان مطاوع يعرض لها حاليا مسلسل صوت وصورة ويشارك في بطولته وليد فواز، صدقي صخر، نجلاء بدر، عمرو وهبة.
View this post on Instagram
فيديو قد يعجبك:
