كاملة أبو ذكري: "نفسي أشتغل مع كريم عبد العزيز وفيه (كيميا) بيني وبين رمضان"

عبرت المخرجة كاملة أبو ذكري، عن أمنيتها العمل مع النجوم كريم عبد العزيز ومحمد رمضان، قائلة: "اشتغلت مع نجوم كتير بس نفسي أشتغل مع كريم عبد العزيز ومشتغلتش معاه خالص ونعرف بعض من عمر طويل ووالده أستاذي واشتغلت مع نجوم الجيل ده".

وتابعت أبو ذكري، ببرنامج "حبر سري"، أن كريم عبد العزيز موهبة كبيرة تتمنى العمل معها، كما أشارت إلى أنها تريد العمل مع النجم محمد رمضان، متابعة: "مشتغلش مع محمد رمضان وكنت بفكر في الشغل مع كريم عشان طلعنا مع بعض إنما محمد رمضان أصغر مننا".

وحول موقفها من العمل مع محمد رمضان، فأضافت: "أكيد محمد رمضان ممثل كبير وقعدت معاه مرة وحسيت أن فيه بينا كيميا والروح بينا مش تقيلة على بعضها وحبيته جدا لما قعدت معه وأتمنى نشتغل مع بعض".