عمرو يسري: "كلمت هنيدي قبل فيلمه الأخير ما ينزل السينما بس تقريبا سقطت منه"

كتبت- منال الجيوشي:
حل الفنان عمرو يسري ضيفا على برنامج "القاهرة اليوم"، وتحدث عن غيابه الفترة الماضية عن الوسط الفني
وقال عمرو يسري: "آخر مرة تواصلت مع هنيدي قبل ما ينزل فيلمه الأخير اللي نزل في السينما وقالي إن شاء الله نبقى مع بعض، بس تقريبا أنا سقطت منه".
وتابع: "أنا بشتغل على نفسي كتير، يعني مثلا آخر حاجة كلمت ياسمين عبدالعزيز هي بتصور مسلسل اليومين دول لرمضان رحتلهم اللوكيشن وباركتلهم وقابلت أحمد العوضي وهو شخصية لطيفة جدا".
وأضاف: "الوقت كان متأخر وخلاص مفيش أدوار ودخلوا وبدأوا تصوير وعشان توصلي للناس دي لازم تروحيلهم اللوكيشن وطبعا ياسمين عشرة عمري وانبسطت جدا لما شافتني، لكن هل فيه وسيلة تواصل"
واختتم حديثه قائلا: "المسألة والعيب مش في عمرو يسري أنا بجري وبحاول وبجتهد لكن مفيش عليا تركيز".
الفنان عمرو يسري شارك في عدد من الأعمال أبرزها: "صاحب صاحبه"، "عايزة أتجوز"، "ظل المحارب"، "حليم"، "أماكن في القلب".