"دنيتي خلتني راجل".. ياسمين نيازي تكشف عن مواصفات فتى أحلامها

كتب- مصراوي:

حلت المطربة ياسمين نيازي، ضيفة مع المذيعة ياسمين عز، عبر فضائية "إم بي سي مصر".

وتحدثت ياسمين نيازي، عن مواصفات حبيبها المستقبلي، وقالت: "أنا مش ضد فكرة الإرشاد والنصح من الرجل لكن أهم حاجة تكون سيطرت عليا بالصح وأنت قائد".

وتابعت: "أنا ست بس حياتي وظروف شغلي ودنيتي خلتني راجل من وانا صغيرة شايلة مسؤولية وقرارات ويوم ما يجي حد يقولي اعملي كذا ومتعمليش كذا يبقى فيه أمارة.. وأنا ههدي الموجة لو بحب اللي قدامي".

وعن دور فتى أحلامها قالت: "بس لازم قصاد تنازلي أنا كمان عايزة الاقي.. وزي ما انا بديك كل الاهتمام والاحتواء ألاقي ده".

وعن تجنب ظهورها في الإعلام قالت: " ممكن أكون انطوائية بسبب إني تعبت أوي في الشغلانة دي مشاكل ونفسيات كتيرة مع إني بدأت صغيرة.. على الرغم من إني اجتماعية جدًا مع أصحابي، ولكن مرة واحدة باخد جنب".

وكان أخر أعمال ياسمين نيازي أغنية ياللي أنت مالي العين، التي طرحتها عبر موقع يوتيوب بعد غياب.