قبل سحب عينة من المخ..نجل محمد ثروت يوجه رسالة لـ خطيبته من ألمانيا للعلاج
-
عرض 1 صورة
كتب- هاني صابر:
حرص المخرج أحمد ثروت نجل الفنان محمد ثروت، على توجيه رسالة لخطيبته لما الشواربي بعد سفره إلى ألمانيا لاستكمال رحلة العلاج، بعد خضوعه للعلاج في أحد المستشفيات بالقاهرة، إثر إصابته بمرض نادر في الجهاز العصبي ويطلق عليها علميا اسم "متلازمة ميلر فيشر".
ونشر أحمد ثروت، مقطع فيديو يجمعه مع خطيبته، عبر حسابه على إنستجرام، وعلق: "لو وقفت تاني علي رجلي هيكون ليكي فضل بعد ربنا ف دة… وقفتي جنبي، سندتيني وسهرتي شهر جنبي من غير نوم وكنتي مؤمنه فيا من اول يوم عرفنا بعض فيه".
وأضاف أحمد ثروت: "فعلاً لو قعدت عمر كامل اوفيكي حققك ما يكفيش ١٪ من اللي بتعمليه معايا يا بنت الأصول وإن شاء الله أقوم بس وأيامك كلها تبقى عوض عن كل ليلة صعبة قضيناها مع بعض".
وسافر المخرج أحمد ثروت نجل الفنان الكبير محمد ثروت، الخميس إلى ألمانيا لاستكمال رحلة علاجه، بحسب ما كشف عنه عثمان بدران صديق أحمد ثروت.
ونشر بدران، صورة له مع أحمد ثروت بالمستشفى، عبر حسابه على "فيسبوك"، وعلق: "من فترة كنت كتبت على قصة الضغط العصبي وإن مفيش حاجة مستهلة وده كان بسبب حبيبي وصديقي أحمد ثروت اللي عنده ٣١ ولا ٣٢ سنة وهو عنده شركة في مجال الدعاية والإعلان.. زميل صنعة زي ما بيقولوا ومن شوية ضغط في الشغل في خلال السنوات اللي فاتت جات له جلطة في عينه الشمال والحمد لله بتتحسن ولكن تطور الموضوع أكتر وجه له مرض في الأعصاب نادر أوي أوي اسمه "متلازمة الميلر فيشر" و ده مرض بيجي ١٪ في المليون بيخلي الجهاز المناعي يهاجم الجهاز العصبي وحاليا مأثر على رجله الشمال تماما واليمين بنسبة ٥٠٪ زي ما أحمد قال لي".
وتابع: "الحمد الله عزيمة أحمد في حتة تانية خالص وبيهزر وبيضحك ومؤمن ومبسوط إن ربنا اختصه.. بس النهاردة يوم مهم جدا.. أحمد سافر لألمانيا علشان المرض ده محتاج مركز متخصص لعلاجه والنهاردة هيسحبوا عينه مياه من المخ علشان يحددوا الموضوع أكتر ويحطوا بروتوكول للعلاج بإذن الله".
وأضاف صديق أحمد ثروت: "بناء علي نتيجة النهاردة هيتحدد حاجات كتير أوي.. فضلا وليس امرا ندعي لأحمد لعلكم أقرب الى الله إنه يشفيه ويهون عليه ويربط على أبوه الخلوق الجميل محمد ثروت وأمه وأخته وخطيبته".
على جانب آخر، كان الفنان محمد ثروت، كشف عن طبيعة الحالة الصحية لنجلة المخرج أحمد ثروت، قائلا: "الحالة الصحية لأحمد غير مستقرة وحالة نادرة جدا تصيب واحد في المليون يتم علاجها باستخدام الأجسام المضادة والتي تسبب الآم شديدا جدا" .
وتابع ثروت، في مداخلة هاتفية مع الإعلامية إيمان الحصري، ببرنامج "مساء دي إم سي"، المذاع على قناة "دي إم سي": "أحمد يُعاني من ألم شديد خلال الأيام الأخيرة، والفريق الطبي برئاسة الدكتور محمود حميدة يبذلون جهود كبيرة معه"، موضحا أن نجله لم يعاني من أي أمراض خلال السنوات الماضية.
وأضاف محمد ثروت: "أحمد ثروت عمله كان يشغل كل وقته وهو سبب عودتي للوسط الفني من جديد بأغنية يا مستعجل فراقي، وأغنية هنسيب لمين الغُنا، وحفل مناجاة، بجانب العديد من الأعمال الإخراجية لوزارة الداخلية ووزارة الدفاع وآخرها إخراج حفلة قادرون باختلاف النسخة الرابعة والتي نالت إعجاب الجمهور ونالت التقدير من القيادة السياسة".
View this post on Instagram
فيديو قد يعجبك:
