أيمن سليم يكشف عن سرقة عمل للمؤلف سامح العجمي: "نوع جديد من استباحة الحقوق"

كتبت- منال الجيوشي:

كشف الكاتب أيمن سليم عن تعرض أحد أعمال المؤلف سامح العجمي للسرقة، وكشف التفاصيل عبر حسابه الرسمي بموقع فيسبوك

وكتب: "زوجة الشاعر سامح العجمي اتفاجئت بريمكس نازل على تطبيق .. بصوت ممثلة مبتدئة دون أخذ الموافقة منها أو من أي مسئول، وأستاذة إيمان يوسف خليل زوجة المنتج والمؤلف سامح العجمي قالت إنها لما اتواصلت مع الممثلة اللي عايزة تغني وموزع الأغنية اتكلموا معاها بقلة أدب وقالوا إن الأغنية عجبتهم فغنوها".

وتابع: "بمنتهى البساطة كده رغم إنها فهمتهم إن فيه جمعية مخصصة لحساب عدد مرات إذاعة الأغنية وفهمتهم إن ده حق أولاد سامح بصفته مالك الأغنية الأصلي لكن همَا شافوا إنها بتقتل الإبداع.. اللى بحكيه ده بحكيه ليه؟".

وأضاف: "علشان أنا سمعت الريمكس اللي عملوه والحقيقة إنهم شوهوا الأغنية وياريت يكون فيه قانون بيحمي الأعمال الفنية من التشوه والتعدي على حقوق الغير، للأسف ده نوع جديد من السرقة واستباحة الحقوق: قال "عجبتنى فغنيتها " ما إحنا عايشين في الجبلاية".