منى جبر: أبناء جيلي كانوا بيتمتعوا بمهارات ودلوقتي التقنيات بتغير شكل اللي بيظهر على الشاشة

كتبت- منال الجيوشي:

قالت الفنانة منى جبر، في مداخلة هاتفية مع الإعلامية إيمان الحصري إنها مثلت في المسرح والجامعة قبل عملها بالإعلام.

وتابعت الفنانة المعتزالة: "مكنش قصدي أمثل كان هدفي أقدم شيء له قيمة للفن، واتعرض عليا كذا مرة رفضت وفي الآخر قلت ليه لأ طيب أجرب".

وأضافت: "بعدين لقيت الجمهور تقبلني ومرفضنيش ولو كان الجمهور رفضني كنت توقفت تماما".

واستكملت: "كل اللي كانوا بيعملوا في جيلي كانوا بيتمتعوا بمهارات بسبب إن التقنيات مكنتش متوفرة وعالية زي دلوقتي، النهاردة زرار بيغير طريقة الصوت وزرار بيغير الشكل وفلتر على الوش المسائل أسهل واختلفت تماما، زمان كأنهم بيشوفونا ع المسرح وجها لوجه".

وأوضحت أن قديما لم يكن هناك تقنية لتحسين الصورة "كنا بنطلع زي ماإحنا أنا وجيلي كله لما يشوفونا في الشارع بيعرفونا".

واختتمت منى جبر حديثها قائلة: "فيه ناس في الأجيال الجديدة لما الجمهور بيشوفوهم في الشارع مش بيعرفوهم".

الفنانة منى جبر بدأت حياتها المهنية مذيعة بالتليفزيون المصري، ثم قدمت أعمالا فني أبرزها: الحفيد، رحلة الأيام، صانع النجوم، وراء الشمس، السكرية.