ممثلة ضعيفة.. منة فضالي تكشف رأيها في ياسمين صبري

كتب - هاني صابر:

كشفت الفنانة منة فضالي عن رأيها في الأداء التمثيلي للفنانة ياسمين صبري.

وقالت منة فضالي، ببرنامج VIP: "ياسمين صبري حلوة فعلا ما شاء الله وشيك، ولكن التمثيل عايز موهبة، ولو أنا معنديش موهبة يبقى أدرسه مش عيب، وممكن يبقى بادئة النهاردة بس مينفعش أعمل بطولة، لأن القماشة بتبقى واسعة على البني آدم".

وتابعت: "لو عايزة أمثل وأبقى نجمة ونمبر وان زي ما هي عايزة تبقى بطلة، اشتغلي على نفسك عشان محدش يعلق عليكي، هي ممكن تكون ممثلة جيدة ولكن مش موهوبة، الموهوبة دي هتلاقيها تلقائي بتمثل طبيعي، مغلطتش فيها، وبتشرف مصر وبتعمل فوتوسيشن موديل حلوة طبعا".

وأضافت: "جاتلها فرصة مع محمد سامي في مسلسل كبير ولكن معرفتش تحافظ عليها، وأنا مقبلش اسمها يسبق اسمي على تتر".