حورية فرغلي: "كنت عايزة أموت واللي مش عاجبه حاجة فيا ميبصليش"

كتبت- منى الموجي:

قالت الفنانة حورية فرغلي، إن قبل عامين كانت تتمنى الموت، وتحديدا وقت انتشار فيروس كورونا، وعدم قدرتها على السفر لأمريكا والحصول على التأشيرة في ظل غلق السفارة، لاستكمال علاجها هناك.

وأضافت في حوارها مع المذيعة إيمان الحصري في برنامج "مساء DMC" المعروض على قناة دي إم سي: "من سنتين كنت عايزة أموت مش عايزة أعيش، فيه كورونا والدكتور اللي ممكن يعالجني موجود في أمريكا والسفارة مقفولة، وأنا مناخيري مش مناخير أ صلا مش عارفة أبص في المراية ولا استطعم الأكل ولا أشم أي ريحة، بالنسبالي كان ايه الفرق بين العيشة والموت".

وتابعت حورية "اخدت ثقة في نفسي غريبة في الفترة الأخيرة، وبقيت اقول اللهم لك الحمد لله والشكر علي اللي أنا فيه، واللي مش عاجبه أي حاجة فيا بص الناحية التانية متبصليش بس أنا مبسوطة بنفسي جدا".

وأكدت حورية أنها باتت أفضل بكثير من قبل، وتستطيع أن تحدد رائحة أي شيء بسهولة، بعدما كانت قد فقدت حاسة الشم لفترة طويلة، وتابعت "المفروض اعمل حاجة واحدة ودي مش مهمة اوي، عشان الفتحات في أنفي تكون زي بعض بالظبط، بس دي تتعمل في اي وقت، عايزة ارتاح شوية من غرفة العمليات".

وأشارت حورية أنها خضعت على مدار 8 سنوات لحوالي 27 عملية.

جدير بالذكر أن أخر أعمال الفنانة حورية فرغلي كان مسلسل "أيام" وشاركها البطولة شيري عادل، لقاء سويدان، رياض الخولي، أحمد صفوت، سلوى خطاب، رشدي الشامي.

اقرا أيضا:

هو ينفع ضابط يتجوز فنانة؟.. تفاصيل أزمة واجهت زواج شريفة فاضل

بسبب الحسد.. هالة صدقي: احتراق مواتير الكهرباء ببيتي وغراب على شرفتي