بعد عرض الحلقة الأخيرة.. بسمة وهبة تشيد بـ"جعفر العمدة" وهذا ما قالته عن محمد رمضان

أشادت الإعلامية بسمة وهبة بمسلسل "جعفر العمدة" من خلال فيديو نشرته عبر صفحتها على موقع إنستجرام، وقالت: "محمد سامي إنت جبار دماغك دي تتلف في حرير وأمن عليها، المسلسل روعة في الحلقة الأخيرة قعدنا نسقف زي السينمات زمان لما الناس كانت بتسقف من غير ما تشعر من حلاوة النتيجة وحلاوة اللي حصل، نضوج غير عادي لكل الفنانين وده بسبب المايسترو محمد سامي".

وأكملت حديثها: "أنا شوفت قبل كده عصام السقا بس ده مولد جديد للنجم عصام السقا.. عماد قاسم ممثل فظيع.. سيد أخو جعفر مش طبيعي.. هالة صدقي إنتي روحتي في حتة تانية خالص خلتينا نعشق صفصف مش معقول جبارة رهيبة.. كل الناس مش معقولين بصراحة منة فضالي، مي كساب، إيمان العاصي".

واختتمت حديثها بالإشادة بمحمد رمضان وقالت: " محمد رمضان أنا مكنش ليا فيك قوي بس أنا عشقتك في المسلسل ده إنت جبار أنا عايزاك على طول كده جعفر، محمد سامي إنت داهية ودماغ مش سهلة .. ألف مبروك".

مسلسل "جعفر العمدة" بطولة: محمد رمضان، زينة، هالة صدقي، إيمان العاصي، منة فضالي، مي كساب، أحمد داش وهو من تأليف وإخراج محمد سامي