نهى عابدين: "الستات مظلومين".. وفكرت في الاعتزال والهجرة

القاهرة- مصراوي:

قالت الفنانة نهى عابدين، إن السبب الرئيسي لتأثر الناس بمسلسل "تحت الوصاية" إن "الستات مظلومين في كتير من حقوقهم والمسلسل جه على الوجع".

وأضافت خلال استضافتها في برنامج الستات ما يعرفوش يكدبوا على قناة CBC: عرفت إني على الطريق كممثلة لما اشتغلت في ونوس وحلاوة الدنيا، قبلها عملت أدوار صغيرة وبسيطة، لكن في الدورين اللي عملتهم في المسلسلين قدرت أخرج المساحة اللي عندي".

وعن المسلسلات الـ 15 حلقة: المقياس فيها هي استمرار الإيقاع من أول حلقة لأخر حلقة، هناك مسلسلات 30 حلقة وتشد الناس وفيه مسلسلات 15 حلقة وما تشدش الناس والعكس.

وعن تفكيرها في الإعتزال: "أنا شخص حمول وعاطفية، لما بيكون عندي تراكمات ببقى عايزة اختفي، طقت في دماغي اعتزل ووقتها فكرت أهاجر كمان".

"تحت الوصاية" تأليف شيرين وخالد دياب، بطولة منى زكي، رشدي الشامي، دياب، نهى عابدين، علي الطيب، خالد كمال، أحمد عبدالحميد، علي صبحي، أحمد خالد صالح، إخراج محمد شاكر خضير.