"المصريين عندهم روح خاصة وحسيت إن بنتي هتموت قبلها".. أبرز تصريحات جومانا مراد

كتبت- منال الجيوشي:

حلت الفنانة جومانا مراد ضيفة على برنامج "كلمة أخيرة" مع الإعلامية لميس الحديدي ، وخلال الحلقة صرحت "جومانا" عدد من التصريحات أبرزها:

_ مفيش أغلى من فقدان الابن.. أنا فاكرة يوم ما دفنت بنتي كنت بقرأ سورة يس والملك، وكل اللي حواليا بيعيطوا كانت قوتي كبيرة.

_ بنتي قبل ما تموت بيوم معرفتش أنام.. في نار قايدة في قلبي وقولت لجوزي بنتي هتموت وفي تاني يوم الصبح لقيتها ماتت

_ قبل وفاة ابنتي بيوم ذهبت لزيارتها في المستشفى ، ودخلت الغرفة الخاصة بها ووضعت يدي على أعلى جبتها وقرأت عليها دعاء.

_ وأنا خارجة من عندها شميت ريحة ريحان في أيدي وهي ريحة الجنة لأنها طفلة ملاك

_ وفاة والدي أعطاني قوة أكثر وأحرص على زيارة قبره بشكل مستمر، كما أنني أحب زيارة المقابر لأنها تريحني نفسيا

_ كنت أصور في رمضان أكثر من 48 ساعة بشكل مستمر، وأنام فقط ساعات قليلة

_ شخصية دميانة في "عملة نادرة" كانت صعبة أوي ومقلقتش أني أظهر شكلي يكون حلو مكانش ده يهمني كان آخري أحط كحل في عيني لأن مفيش ست صعيدية عامله ميكب، ويا سبحان الله أنا بميل لعدم الميكب.

_ اللهجة الصعيدية مكانتش صعبة عليا لأني بقالي فترة عايشة في مصر والمصريين عندهم روح خاصة بيهم.

_ مشهد نعش زوج دميانة كان تريند واستريحت أول ما خلصته وكان عندي مشهد مستر سين في مسلسل بابا المجال وهو وفاة ابني فكنت خايفة لأني مكانش ينفع أكرر نفس المشاهد مع بعض يعني كنت بقول لنفسي مينفعش أكرر نفس الصرخة وبهتم بالتفاصيل دي لأنها بتفرق مع الجمهور.