شاندو: "أنا أهلاوي ومش بحب لقب الشياطين الحمر"

كشف المطرب شاندو، عن حبه وانتماءه للقلعة الحمراء، قائلا: أنا مشجع أهلاوي جدا بالرغم من إني بحب ألبس اللون الأصفر عندي مشاكل مع اللون الأحمر، ومش بحب لقب الشياطين الحمر، لأنه فريق رائع وبينتصر ومشرف مصر.. ليه شياطين؟.

وتابع شاندو، ببرنامج سبوت لايت، متحدثا عن أعماله الغنائية الجديدة: أنا بجهز مجموعة من الأغاني مع المنتج حمادة إسماعيل وخلصت منهم أغنية، وبعمل أغنية أخرى مع المطرب عصام كاريكا
وفيه غنوة مفاجأة مع محمد رحيم.

وأوضح شاندو: خلصت أغنية جديدة بعنوان (حفل كبير)، وشغال في ميني ألبوم جديد إن شاء الله هتنزل أغانيه قريبا.

واستكمل: الحمد لله عندي لون غنائي مميز خاص بي، لإني جاي من مكان ليه لون ثقافي معين، وعايز أوصل الثقافة بتاعتي لكل القاهريين.

وأضاف شاندو، متحدثا عن علاقته بالسوشيال ميديا: لازم علاقتي بيها تكون إيجابية سواء أنا عايز أو مش عايز، وإتاخرت كتير في المسألة دي، ولكن بدأت أستعين بشباب صغيرين في الموضوع ده تحديدا.