حاتم صلاح عن شخصية "نفادي" في "الكبير أوي": "أخويا قالي لو منجحتش سيب الشغلانة"

كتب- مروان الطيب:

حل الفنان حاتم صلاح ضيفاً على برنامج "واحد من الناس" تقديم الإعلامي عمرو الليثي والذي يعرض على قناة "الحياة".

وتطرق صلاح عن شخصية "نفادي" والتي قدمها طوال موسمين هما السادس والسابع من مسلسل "الكبير أوي" بطولة الفنان أحمد مكي وعن بداية اختياره للدور وعن النجاح الكبير الذي حققته الشخصية ورد فعلها مع الجمهور

وقال حاتم صلاح: "أنا خريج جامعة تجارة جامعة عين شمس، بدأت في فريق التمثيل في الكلية وبعدين لما اتخرجت سيبت مجال التمثيل لمدة سنتين كنت عاوز اشتغل شغلانة عادية واتجوز لكن ملقتش نفسي في أي حاجة بره وقررت اني ارجع اشتغل كمساعد مخرج وبعدين قلت أنا مش عاوز اشتغل ورا الكاميرا"

وأكمل: "وبعدين عملنا فرقة اسمها 1980 وأنت طالع عملنا عرض مسرحي فشل في الأول مكناش عارفين نسوق له وبعد 3 سنين من المحاولات ابتدي يبقي في نجاح ملحوظ وبعدين عملنا مسرحية تانية اسمها البروفة وفي اخر ليلة من مسرحية 1980 جه الأستاذ أحمد أمين واتفرج وخدنا معاه عملنا مشروع أمين وشركاه"

وعن مشاركته بدور "نفادي" في مسلسل "الكبير أوي" قال "انا اشتغلت مع أحمد مكي لأول مرة في مسرحية حزلقوم واتعرفت عليه وبعد كده رشحونا أنا ومصطفي غريب وعبد الرحمن ظاظا في دور العترة وبعد فترة كلموني قالولي مبروك هتعمل دور نفادي ومكنتش اعرف تفاصيل الشخصية وقتها وكانت فرصة أتمناها بوجودي في مسلسل زي الكبير وانه طلع نجوم كتير قبلها