أنغام تتعرض لموجة من الانتقادات بعد ظهورها بـ "السيجار".. ماذا قال الجمهور؟

كتب- هاني صابر:

تعرضت الفنانة أنغام، لموجة من الانتقادات اللاذعة بعد ظهورها بـ "السيجار" من كواليس كليبها الغنائي الجديد "سيبك انت".

ونشرت أنغام، صورا لها بـ"السيجار"، عبر حسابها على إنستجرام، وعلقت: "احساس الوحدة الإجباري بقى هو الإيد اللي تطبطب.. بقي ونسي وصاحبي وهو الحاجة الباقية لي سيبك انت".

وجاءت تعليقات الجمهور، كالتالي: "ليه كدة يعني، صورة بالسيجارة ده أنا بسمعك من وأنا طفل وكنت بحبك جدا" ، "التدخين ليس بشيء راق خاصة للمرأة" ، "انتي جميلة، بس السجارة مش جميلة خالص ومش قدوة خالص" ، "سنك كبر يا ست أنغام" ، "لا لا يا نغوم" ، "صورة مش حلوة لا تليق بفنانة مثلك"، "السجاير خطر على الصوت".

وكانت أنغام، تحدثت عن جرأة كليب أغنيتها الجديدة "سيبك إنت" وعن ظهورها في كليب لأول مرة وهي تشرب سجائر، ببرنامج ET بالعربي، قائلة: "هي حالة إنسانية واقعية جدا وأنا شوفتها في ناس كتير .. الحقيقة إن الكلام اللي كاتبه أمير طعيمة مش هينفع لو هتصوره إلا ولازم يتصور بالواقعية دي".

وكشفت عن رأيها في الدويتوهات التي يقوم البعض بفعلها عن طريق الذكاء الإصطناعي مع نجوم أخرين، قائلة: " فكرة الدويتو حلوة وكل حاجة بس فكرة إنه حد يستعمل صوتك وأنت قاعد كده مش دريان مش حاجة حلوة وبعدين صوتي مش حقيقي قوي وبيني وبينك مفيهاش الإحساس البشري ده .. أنا بتمنى بس إنها تبقى هوجة وتخلص..عشان هيقعدونا في البيت كدة".

يذكر أن الفنانة أنغام، طرحت منذ أيام قليلة، أحدث أغانيها الجديدة "سيبك انت"وهي من كلمات أمير طعيمة، وألحان وليد سعد، وتوزيع موسيقي مادي، ومن إخراج عادل جمال.

View this post on Instagram

A post shared by Angham (@anghamofficial)