في ذكرى ميلادها.. تعرف على سبب رفض فاتن حمامة للعالمية

يحل اليوم السبت الموافق 27 مايو، ذكرى ميلاد الفنانة الكبيرة فاتن حمامة، التي رحلت عن عالمنا تاركة إرثا فنيا كبيرا قدمته خلال مشوارها الفني، وبهذه المناسبة نستعرض لكم أبرز ما قالته سيدة الشاشة العربية حول سبب رفضها المشاركة بالسينما العالمية.

وقالت فاتن حمامة، في لقاء تليفزيوني نادر عن حلم العالمية: "يمكن في أول بدايتي يعني كان نفسي طبعا وكانت أحلام كل فنان انه يبقى عالمي والخيال والسينما إنما دلوقتي أنا بحمد ربنا على الأقل لاقيه نفسي".

وذكرت سبب رفضها التمثيل في السينما العالمية، قائلة: "صعب عليا أوي إني أتنقل أعمل فيلم في أي بلد تانية وهناك طبعا عيشتهم مختلفة وطريقتهم مختلفة، لو قالولي مثلا تعالي اعملي مشهد يعني أنا مقدرش أعمله هقول لأ.. فأكيد كنت هقول لأ على كل الأدوار اللي هتتعرض عليا.. هناك كل شئ مباح وكل شىء لازم يتعمل لو اتطلب من الممثل".

وأضافت: "إحنا حياتنا وطريقتنا شكل تاني، وعندنا تقاليدنا وعندنا عيشتنا وبعدين أنا فاهمة فاطمة وعالية وزينب.. كل دول حواليا أعرف أعملهم أو أعرف أحس بإحساسهم هناك مش هفهم اللي هناك".

يذكر أن الفنانة فاتن حمامة، رحلت عن عالمنا يوم 17 يناير 2015 عن عمر ناهز الـ 83 عاما إثر أزمة صحية حادة.