حورية فرغلي: نزار الفارس عرض على المساعد بتاعي رشوة عشان يقول إننا مخطوبين

كتبت- منال الجيوشي:

أعربت الفنانة حورية فرغلي عن أسفها الشديد، لسماحها بدخول المذيع العراقي نزار الفارس منزلها، لإجراء لقائًا تليفزيونيًا معهًا.

وقالت حورية فرغلي خلال مداخلتها مع الإعلامية أميرة بدر في برنامج “ملفات” على شاشة قناة “هي”: أنا آسفة وأنا غلطانة أني دخلته بيتي وأنا معاشرتوش، وهو جاي عايز يعمل تريند، وده حتى كلم أشرف المساعد بتاعي وعرض عليه فلوس عشان يقول أننا اتخطبنا فعلا.

واستكملت حورية فرغلي حديثها: هو بيحب حورية لدرجة الجنون يعني يا حرام.. أقعد أحلم أنك تتجوز حورية، يعني إزاي يقول اتخطبنا المفروض في فستان وأهل وورد وحضور.

وأضافت حورية فرغلي: أول مرة في حياتي أتعرض لحاجة كده الشغل الأول كان بيخلي عندي كذا حاجة ومشغولة ، لكن دلوقتى معنديش شغل، الأسئلة كانت أوفر، وسألني على فيلم كلمني شكرَا ومشاهدي الجريئة فيها عملتها غصب عني ولا بمزاجي، قولتله أستاذ خالد يوسف مبيخليش حد يعمل حاجة غصب عنه، وسألني عن عمري عملت عن المثلية الجنسية؟، فقلت أني اصلًا معملتش دور جنسية مثلية إلا مشهد دقيقة في فيلم كان مع الأستاذة ليلى علوي.

برنامج “ملفات” تقدمه الإعلامية أميرة بدر على شاشة قناة “هي” يوميًا من الأحد إلى الأربعاء وتناقش خلاله العديد من القضايا المطروحة على الساحة، ويستضيف خلاله عددًا من نجوم الفن والرياضة.