نيكول سابا ترد على انتقادات تشابه أحدث أغانيها مع أغنية نجوى كرم

ردت الفنانة نيكول سابا، على الانتقادات التي تعرضت لها بسبب المقارنات التي لاحقت مطلع أغنيتها الأخيرة بعنوان "Feeling cool" وأغنية نجوى كرم "كاريزما" والتشابه في اللحن بين الأغنيتين.

وأكدت نيكول، أنها قامت بتسجيل الأغنية وتصوير الكليب منذ شهور وأنها لم تعلم إذا كان هذا توارد أفكار بين ملحنين أو موزعين.

وقالت خلال لقائها ببرنامج ET بالعربي: "الأغنية بقالها شهور والكليب بقالي شهر ونص مصوراه.. معرفش مين واخد من مين، ممكن يكون توارد أفكار معرفش مش أنا الملحن ولا الموزع ووارد يكون توارد أفكار.. أنا مسمعتش الأغنية بس خلينا دايما نحب الخير مش لازم يكون في طاقة سلبية أيا كان".

ورد زوجها الفنان يوسف الخال، على هذه الانتقادات، موضحا أن الفنانة نجوى كرم أكبر من ذلك وأن الموضوع بين الموزعين.

وقال: "أنا سمعت الموضوع ده بس دي مقارنة غريبة لأنه مش نفس الموزع في حاجات كتير الكمبيوتر بقى بيعملها.. الناس بتفكر إن الملحن أخد نفس الجملة بس الموضوع مش كده .. عالكمبيوتر بيكون في جمل معينة بيستوحي منها الموزع وبيفكر إنه مفيش حد تاني استخدمها".

وأضاف: "من وسط ألوف يشاء القدر إن موزع من كام شهر بمصر والموزع ده كل واحد لوحده لقى الجملة اللي هي 3 نغمات زي بعض بس.. فالموضوع مش سرقة لحن وست نجوى أكبر من كده بكتير ونيكول كمان أكبر من كده بكتير ودي حاجة بين الموزعين إحنا ملناش دعوة".هنا