"سارة نخلة تهاجم حلا شيحة: "بنصحها تروح لدكتور نفسي

هاجمت الفنانة سارة نخلة، الفنانة حلا شيحة، كاشفة عن رأيها في عودتها للتمثيل مرة أخرى.

وقالت سارة، ببرنامجها عبر قناة هي: "حلا إنسانة جميلة جدا وعاطفية جدا وأنا بحبها جدا.. الناس مش عايزينها ترجع عشان هي فقدت مصداقيتها، الناس إزاي هتثق فيها، إزاي المنتج هيجي يديكي ورق ويبقى خايف إنك في نص التصوير تقولي معلش أنا اتحجبت لأن انتي كده هتكوني بتضربي أوردر وبتأثري على زمايلك.. ناس كتير قوي علقوا على النقطة دي".

وتابعت موجهة نصيحة لها: "أنا نصيحتي لـ حلا إن أنا كان عندي مشاكل نفسية لجأت لدكتور نفسي وده مش عيب ومش غلط.. أنا بنصحها إن هي تروح لحد تتكلم معاه ممكن يساعدها".

وأضافت: "أكيد أهلا بعودة حلا شيحة، وأكيد أنا بحبها ولكن مش على طول مش كل ما تقول عايزة أرجع هنقول يا أهلا ويا مرحبا ولما تكون عايزة تحلل وتحرم على مزاجها نتجنبها.. قبل ما ترجع للفن لازم تقعد مع نفسها سنة سنتين تلاتة أربعة أقل حاجة تفكر مع نفسها مش عشان أنا قلعت الحجاب فعايزة أرجع للفن أشغل نفسي".

الفنانة حلا شيحة، كانت قد أعلنت عام 2021، غضبها من فيلم"مش أنا" مع الفنان تامر حسني، وكتبت منشورا طويلا، فُسر بأنها تعلن اعتزالها، خاصة وأنها عادت لارتداء الحجاب وتزوجت من الداعية معز مسعود، قبل أن تقوم مؤخرا بحذف صورهم، والظهور بدون الحجاب.