فيفي عبده عن محمد رمضان: "ربنا رازقه ليه مش عارفة.. أكيد عامل حاجة جميلة لأمه"

كتبت- بهيرة فودة:

تحدثت الفنانة فيفي عبده عن الفنان محمد رمضان، لافتة إلى أن الله يحبه ويرزقه، ولا أحد يمكن أن يسأل عن الأسباب.

وقالت فيفي في تصريحات إعلامية: "مهما تقولوا لمحمد رمضان ربنا بيحبه ورازقه، ورازقه ليه مش عارفة، وما نقدرش نقول ليه".

وأضافت فيفي "ربنا بيديله نجاح ورزق وأد إيه بيديله حب من الناس، أكيد عامل حاجة جميلة لأمه وأهله علشان كدا ربنا بيديله كل اللي هو فيه دلوقتي".

وبسؤالها هل تعارض مشاركته في الجزء الثاني من "جعفر العمدة" إذ عُرض عليها دور، قالت "ليه لأ، لو العمل كويس مع ناس كويسة ونخبة حلوة ومخرج كويس ليه لأ".

أخر أعمال فيفي عبده في شهر رمضان كان عام 2022 بمسلسل "شغل في العالي" بطولة شيرين رضا ومروان يونس، بجانب عدد من ضيوف الشرف من بينهم بيومي فؤاد، ونضال الشافعي، ونجم كرة القدم ميدو، والعمل من إخراج مرقس عادل وتأليف حسين مصطفى محرم.