"ضيع ملخص قصة حياتي".. عمرو محمود ياسين يرد على برنسة عبدالغني

كتب- مروان الطيب:
رد السيناريست عمرو محمود ياسين على اتهامه من قبل كومبارس تُدعى برنسة عبدالغني، تحدثت عن تسببه في إضاعة ملخص قصة حياتها، بعد أن طلبت منه أن يقرأ ما كتبته رغبة منها في تحويله لعمل درامي.

وقام "عمرو" عبر حسابه على موقع "فيسبوك" بإعادة نشر تصريحات برنسة بشأن هذه القصة: "يا أستاذة برنسة تحياتي ليكي أولاً.. ثانياً حضرتك كنتي قابلتيني واحنا بنصور مسلسل ونحب تاني ليه على ما أتذكر ولاقيتك من تلقاء نفسك جايبالي ملخص وقولتي لي اقراه عشان عايزة أعمله مسلسل، وقتها كنا لسه بنصور ومقدرتش اقراه".

مضيفاً "وقريته بعد كده لما اتصلتي بيا فكرتيني بيه بعد فترة طويلة وقتها أنا قريته وللأسف مالقتش فكرة مناسبة له وحضرتك ماكلمتنيش تاني وأنا ماتصلتش برضه، وده تقصير مني بعتذر عنه، لكن مش عارف جبتي منين حكاية اني أنا ضيعته؟؟، مش عارف جبتي الفكرة دي منين؟، الملخص بتاعك في الحفظ والصون زي ما هو وتقدري تاخديه وقت ما تحبي".

عمرو محمود ياسين قدم للدراما التليفزيونية عددا من الأعمال بينها "نصيبي وقسمتك"، "ونحب تاني ليه"، مسلسل "اللي مالوش كبير".