ياسر فرج : رفضت دور مع أمير كرارة.. ومعنديش مشكلة مشتغلش تاني

القاهرة- مصراوي:

كشف الفنان ياسر فرج عن رأيه في تحكم بعض النجوم فيمن سيشاركونهم الأعمال الفنية، التي يلعبون بطولتها، قائلا: "النجم وارد يقول للمخرج شايف فلان في الدور ده لكن المخرج أو المنتج ليهم الحق في أنهم يقبلوا الترشيح أو لأ".

تابع خلال حواره مع المذيعة إنجي هشام في برنامج المنسي عبر قناة هي: "مصادفتش إن فنان رفض ترشيحي مصادفتش موقف زي ده بس صادفت العكس وبعض الزملاء من ضمنهم أمير كرارة وهو من النجوم المحترمين وصديق عزيز كان حابب اكون معاه في عمل لكن الأمور مظبطتش ومقدرتش للاسف أشارك لكن أتمنى أكون مع أمير كرارة وهو من الناس العزيزة على قلبي".

وأوضح قائلا :"أنا معنديش مشكلة مشتغلش تاني لكن عندي مشكلة اني اعمل حاجة وانا متضايق مش هعرف استغلها حتي لو زميل عزيز زي كرارة أنا بشكره أنه فكر فيا لكن حسيت أن الدور مفيهوش امكانيات".

برنامج "المنسي" هو برنامج على قناة "هي" تقديم إنجي هشام، يُعرض يومي السبت والأحد في تمام الساعة الحادية عشرة مساء، ويستضيف عددا من نجوم الفن والإعلاميين.