تامر حسني عن بسمة بوسيل: "لو طلبت عينيا مش هتأخر".. والأخيرة تعلق

كتب- مصراوي:

وجه الفنان تامر حسني رسالة لمتابعيه بسبب الربط بين أعماله الفنية وحياته الخاصة، وأكد عبر حسابه الرسمي بموقع "إنستجرام" من خلال خاصية "القصص القصيرة"، أن الأعمال التي يقدمها لا تعبر بالضرورة عن حياته الشخصية.

وكتب تامر: "ملاحظ إن فيه بعض التعليقات كل أما أنزل موضوع أغنية أو هزار معاكم بعض الناس بيربطوه بحياتي الشخصية".

وتابع تامر: "أولًا مش أنا اللي ممكن أعمل كده ورغم الظروف الحالية، مازلت أكن لبسمة كل الحب والاحترام، ده غير إن هي شاركتني في اختيار أغانيا ومهما يحصل دي في دمي وأم أولادي وعلاقتنا كويسة جدًا دلوقتي ولو طلبت عينيا مش هتأخر".

وأضاف: "تاني حاجة أنا بحب أهزر معاكم دايمًا من يوم طلوعي لو فيه أغنية أو نكتة حلوة أو إفيه حضر في دماغي أنا على طبيعتي معاكم".

واختتم: "ثالث حاجة الفنان الحقيقي اللي بيعبر عن مشاعر كل الناس في كل حالاتهم، يعني أنا بفرح لما بلاقي أغاني بتغنوها وإحساسها واصلكم، لأني بتعب عشان أكتب الكلام اللي نفسكم تقولوه إنتوا، ده لسة في أغاني توجع أوي نازلة قريب إن شاء الله.. كده مش هنزلها".

ورت عليه طليقته "بسمة بوسيل" من خلال حسابها الرسمي عبر خاصية "القصص القصيرة" بموقع "إنستجرام".

قائله: "يا تيمو انت كمان عندي زي ما انا عندك، ربنا يوفقك في شغلك دايمًا".

يذكر أن الفنان تامر حسني يُعرض له حاليًّا بدور العرض السينمائي فيلم "تاج" ويشاركه البطولة دينا الشربيني، وساندي، وهالة فاخر ونخبة من النجوم، والعمل من تأليف تامر حسني وإخراج سارة وفيق.