رضا حامد: النقابة لها دور في تشغيل الفنانين وأحمد السبكي كان مبهور بيا

كتبت- منال الجيوشي:

تحدث الفنان رضا حامد عن "قلة الفرص" في الوسط الفني مشيرا إلي أنه يسعى للتواصل مع النقابة بشأن العمل مجددا.

وقال حامد: مقدرش أقول إني متواصلتش من النقابة تواصلت بس مع اللي ممكن يحس ويفهم مين رضا حامد، يعني امبارح بالتحديد لسه مكلم دكتور أشرف زكي قالي أهلا يا أستاذي أنا درست لأشرف.

وأضاف خلال حواره مع الإعلامية إنجي هشام في برنامج المنسي عبر قناة هي: "قلتله أنا جراند سهل جدا أشتغل قالي أنا كمان بقيت جراند قلتله لا أنا جراند كبير إنت جراند صغير، ده اللي ممكن أكلمه بصفته النقيب بتاعنا وإني كنت أستاذه لكن مينفعش بقى أكلم كل واحد.

وكشف عن تفاصيل محاولاته للتعاون مع عائلة السبكي قائلا: "تواصلت مع السبكية لكن محمد مش موجود هنا ده اللي اشتغلت معاه كتير، وأحمد اشتغلت معاه فيلم واحد كان هائل وكان مبسوط جدا مني وفجأة مع كتر الأعمال اللي بيعملوها نسيوا رضا حامد رغم أنه كان مبهور بيا.

وتابع : "أهم شغلانة للنقابة أنهم يوفروا شغل، في فنانين بتعمل ٨ و٩ مسلسلات وفيه فنانين بنفس المستوى مش شغالة طب ليه، النقابة لها دور واللي يقول غير كده جاحد ومعندوش فهم للموضوع