كيف علق نجوم الفن على دفاع شريف منير عن ابنته بعد إثارتها للجدل؟

كتب- هاني صابر:

تفاعل عدد من نجوم الفن مع أول رد للفنان شريف منير دفاعا عن ابنته أسما بعد إثارتها للجدل عقب حلاقتها لشعرها "زيرو" بعد فيديو نشرته عبر حسابها على إنستجرام وهي تحلقه أمام الجمهور، وهو ما عرضها لهجوم وانتقادات رواد مواقع التواصل الإجتماعي لها.

وتصدر إسم أسما شريف منير خلال الساعات الماضية تريند مؤشر البحث "جوجل" ومواقع التواصل الإجتماعي المختلفة، لتصبح الأكثر بحثا ورواجا عبر هذه المنصات.

تعليقات نجوم الفن على رسالة شريف منير

وجاءت تعليقات نجوم الفن، على فيديو شريف منير للدفاع عن ابنته، كالتالي، حيث كتبت حلا شيحة "أسما دي قمر"، واكتفت ياسمين عبد العزيز بوضع إيموجي "قلوب".

وكتب أحمد زاهر "الله عليك يا أستاذ" ، وعلقت سلمى أبو ضيف "أسما هي واحدة من أجمل الأشخاص الذين تعرفت عليهم من الداخل إلى الخارج، إنسانة جميلة وجميلة جدًا".

كما اكتفت نسرين طافش وديانا هشام وغادة عادل وأيتن عامر وأحمد السعدني ومحمد علي رزق بوضع إيموجي "قلوب".

وكتبت هاجر الشرنوبي "إنت أب جميل"، بينما كتبت دنيا صلاح عبد الله "شكرا". وكتبت علا غانم "أسما جميلة وكلنا بندعمها".

فيما كتب عمرو عبد العزيز "كبر دماغك الناس بتتكلم على أي حاجة وكل حاجة.. سيبك أنت فتحت نفسي، وبكره هطلب سمك ومشوي بقى إيه رأيك".

رد شريف منير على حلاقة ابنته أسما شعرها

رد الفنان شريف منير على الهجوم الذي تعرضت له ابنته أسما بعد حلاقة شعرها "زيرو"، في مقطع فيديو، نشره عبر حسابه على إنستجرام، قال فيه: "مساء الخير، باكل سمك مشوي ورز أبيض، إيه الدوشة اللي إنتوا عاملينها دي وإيه الضجة اللي إنتوا عاملينها دي، كل ده عشان بنتي قصت شعرها قدام الكاميرا إيه الغلط اللي هي عملته".

واستكمل: "تصرف عادي جدًا مفيهوش أي حاجة، إوعوا تفتكروا إني هاجي على بنتي عشان خاطر أكسب رضاكم .. دي بنتي اللي ماليش غيرها وبحبها".

وأوضح منير: "بالمناسبة اللوك اللي عملته عاجبني وأنا مبسوط منها أوي، بس قبل ما الإخوة السادة الملايكة الصالحين اللي عمالين يقلوا أدبهم ويشتموا، وبيقولوا تاخد التريند وجاتها البلاء في شكلها وبيقولوا أبوها معرفش يربيها.. لأ أنا بنتي متربية كويس جدًا بس هي بتتصرف باللي هي حاسة بيه، المهم إنها متكونش بتأذي حد".

واستكمل: "قبل ما تتكلموا بصوا على نفسكم واتفرجوا على عيلتكوا وعلى إخواتكوا وعلى الناس اللي حواليكوا قبل ما تنتقدوا وتغلطوا وتقولوا متربتش بـ 3 تعريفة أو بربع جنيه تربية، لا أنا بنتي متربية كويس جدًا".

وكشف: "بحب آكل السمك والرز بإيدي حتى في المحلات الفخمة جدًا تفتكروا دي قلة أدب مني ولا مفيش إتيكيت؟ على العموم ريحوا نفسكوا واهدوا شوية؛ لإن اللي حصل من بنتي مش غلط ومش عيب هي مغلطتش في حد فيكو ومغلطتش في نفسها وبعدين بنتي عندها 36 سنة وأم وعندها بنوتة ومسئولة عن نفسها.. وأنا أب مسئول إني أحميها وهي حرة في تصرفاتها".

وأختتم: "أسما إنتي شكلك زي القمر وشكلك حلو جدًا وخدتي التريند برافو عليكي، متسمعيش كلام حد ومتهتميش بكلام حد وأنا مش مهتم بالكلام اللي بيتقال عليا ولا عليها،المهم إننا مش بنضر حد، سلام عليكم".

View this post on Instagram

A post shared by Sherif Moneer (@sherifmoneerofficial)

أسما شريف منير وحلاقة شعرها

لجأت أسما شريف منير، لحلاقة شعرها بسبب معاناتها مع "الغدة"، حيث نشرت مقطع فيديو وهي تقوم بحلاقة شعرها، عبر "ستوري" حسابها على إنستجرام، وعلقت: "بقالي كتير شعري بيقع جامد، وقررت قرار صعب جدا".

وقالت أسما شريف منير في الفيديو: "القرار مش سهل خالص.. وحاسة أني أنا ببتدي حاجة جديدة من الأول، وشعري كان بيقع بطوله، لأن أنا عندي الغدة وهي مش متظبطة فكان بيقع بجد على شكل كتل، وحاولت أظبطه لكن معرفتش وكنت حاسة أنه محروق، والشعر هيطول تاني".

وفي تدوينة ثانية، نشرت أسما شريف منير، فيديو وهي تحلق شعرها، عبر حسابها على إنستجرام، وعلقت: "شعري بقاله فترة بيقع جامد، ده غير إن من كتر العمايل اتحرق، وبقي مش صحي خالص، وقررت أنفذ قرار كان بقالي كتير أوي نفسي أخده.. أبدأ من جديد، وأحرر نفسي، وأفتح صفحة جديدة، حقيقي هو قرار صعب جدا بس حسسني بقوة وتفاؤل".

وتابعت: "رميت ورايا حاجات كتيرة أوي بمجرد إني شلت شعري، قلبي كان بيدق جدا وبعديها حسيت إني مليانا أدرينالين.. خطوة جريئة ومرعبة بس حاسة إني طالعة منها بدرس".

وأضافت: "عارفة إن فيه ناس كتير هتهاجمني بس أنا فارق معايا احساسي بالراحة اللي أنا حساها دلوقتي.. عادي هيطول تاني بس الإحساس ده مش هحسه غير مرة.. بكره هتشوفوا النتيجة الأخيرة".

View this post on Instagram

A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer)

وفي تدوينة ثالثة والتي جاءت بعد ظهورها أمام الجمهور في حفل مهرجان القاهرة للدراما، حيث كتبت عبر حسابها على إنستجرام: "طيب أول حاجة شكرًا على كل ردود الفعل، الوحشة والحلوة كلها، ساعات موقف زي ده بتخلي ناس تشوف ناس تانية عاملين ازاي مجرد انهم بيعبروا عن رأيهم، وشكراً لكل الناس اللي كانت خايفة وقلقانة عليا، ممكن بقي أقولكم الحكاية من وجهة نظري ببساطة".

وقالت: "أولاً الحكاية جت بالصدفة جداً وكان قرار لحظي وانفعالي جدًا ومش ندمانة عليه، تاني حاجة انا مش بعمل كده عشان أطلع ترند بس كنت عارفة هبقى ترند، في فرق كبير بين عايزه وعارفة، على فكرة الترند ده نقمة مش حاجة حلوة خالص بس مش هدخل في الجدل ده دلوقتي".

وتابعت : "تالت حاجة أنا الحمد لله كويسة ومبسوطة ومش واخدة الخطوة دي بسبب اكتئاب خالص بالعكس دي صفحة جديدة حلوة مليانة تفاؤل وقوة وإرادة وتحدي وجرأة وشجاعة وكل حاجة إيجابية في الكون، أنا فعلًا من فترة كنت بمر بمرحلة صعبة جدًا بس كنت في رحلة بقالي شوية بتعافى منها وبقف على رجلي من الأول وكان آخرها رحلة دهب".

واستكملت: "فـ تاني بالعكس ده مش اكتئاب دي مرحلة انتقالية مؤمنة إني هحقق فيها حاجات كتير، أخر حاجة الجماعة اللي مكبرين الموضوع ده شعري مش شعرك، حاجة كده بجد أخير أنا عاجبني شكلي جدًا بصراحة، شكله جامد ومديني ثقة في نفسي جدًا، بحبكم أوي بجد".

وحلقت أسماء شعرها في مقطع فيديو عبر انستجرام ، قائلة: "شعرى بقاله فترة بيقع جامد، ده غير ان من كتر العمايل اتحرق، وبقي مش صحي خالص، وقررت أنفذ قرار كان بقالي كتير اوي نفسي أخده، أبدأ من جديد، وأحرر نفسي، وافتح صفحة جديدة حقيقي هو قرار صعب جدًا بس حسسني بقوة وتفاؤل".

وأوضحت: "رميت ورايا حاجات كتيرة أوي بمجرد إني شلت شعري، قلبي كان بيدق جدا وبعديها حسيت إني مليانا أدرينالين.. خطوة جريئة ومرعبة بس حاسة إني طالعة منها بدرس".

وأضافت: "عارفة إن فيه ناس كتير هتهاجمني بس أنا فارق معايا احساسي بالراحة اللي أنا حساها دلوقتي.. عادي هيطول تاني بس الإحساس ده مش هحسه غير مرة.. بكره هتشوفوا النتيجة الأخيرة".

View this post on Instagram

A post shared by 𝘼𝙨𝙢𝙖 𝙨𝙝𝙚𝙧𝙞𝙛 𝙢𝙤𝙣𝙚𝙚𝙧 (@asma.sherif.moneer)