دعاء فاروق عن "سفاح الجيزة": "مبقتش أثق في حد.. هتختمها بقتل متصليش"

كتب- مروان الطيب:

علقت الإعلامية دعاء فاروق على مسلسل "سفاح الجيزة" والذي عرضت منصة شاهد VIP أولى حلقاته قبل أيام ويحقق نجاحًا ونسب مشاهدات مرتفعة.

ونشرت دعاء فيديو عبر حسابها على "انستجرام" وكتبت عليه "رسالة إلى أي سفاح"، وعلقت قائلة: "أنا بصراحة مبقتش أثق في حد، لسه إبراهيم فايق كاتب بوست على سفاح الجيزة وأنه كان جاره وقدامه في سوبر ماركت، أنا مسلسل بتاع السفاح ده أنا بخاف أشوف المسلسلات دي بترعب ومبحبش أنام وفي دماغي حاجات قتل وكده وجه إبراهيم فايق نزل البوست بتاعه خوفني أكتر".

واستكملت: "مقدرش أشوف المشاهد دي وبيقولك ده كان أكتر حد متدين وبيصلي، يا جماعة بتتدينوا ليه يا جماعة ماتتدينوش أرجوكم، يعني خانق الناس وخانق نفسك وخانقنا معاك ليه وعامل فيها من بره متدين وانت هتختمها بقتل أو تعملوا أي مصايب سودا، ده مش تدين حقيقي ده تدين ظاهري دي الستارة اللي بيحطها عشان يخدع بيها الناس".

وأنهت حديثها قائلة: "أرجوك حط ستارة تانية ماله الكأس والسيجارة، حضرتك هتختمها بقتل متصليش".

وكشف الإعلامي الرياضي إبراهيم فايق عن متابعته لمسلسل "سفاح الجيزة" وعلق قائلًا: "اتفرجت على الحلقتين اللي نزلوا من مسلسل السفاح، عجبني اختيار المخرج لأماكن التصوير مقبضة جدًا والمود اللي عامله مدير التصوير رائع، فهمي عامل الدور حلو اوي بارد وهادي ومؤدب وقاتل محترف".

كما كشف "فايق" عن معرفته بالسفاح الحقيقي قائلًا: "نقول بقى المفاجأة سفاح الجيزة كان بيشتغل زمان في سوبر ماركت قصاد بيتي في شارع مستشفى الهرم تحت اسم قذافي وقعد سنين طويلة عايش معانا، والغريب ان مكانش بيفوت فرض وبيتعامل معانا بمنتهي الأدب والود، لما شفت الصور ووقائع التحقيقات فضلت مصدوم فترة لأن مكنتش متخيل البني آدم ده يطلع منه كده".

واستكمل: "كان كبيره يقطع جبنة رومي، حتة لانشون إنما قتل البشر بالشكل ده شيء كان كابوس بالنسبة لي، شوف كام واحد قريب منك لابس القناع وبتكتشف عنه كوارث".

مسلسل" سفاح الجيزة" مستوحى من قصة حقيقية تدور أحداثه في 8 حلقات، بطولة أحمد فهمي، ركين سعد، باسم سمرة، صلاح عبدالله، ميمي جمال، حنان يوسف، تأليف محمد صلاح العزب، وإخراج هادي الباجوري.